Aımaqtar • 20 Mamyr, 2020

Elordada sanıtarlyq normalardy buzǵan 26 nysan jabyldy

85 retkórsetildi

Nur-Sultanda 18 mamyrdan bastap birqatar nysan jumysyn qaıta bastady: qonaqúı keshenderi, qoǵamdyq tamaqtaný oryndary, dámhanalar, meıramhanalar (bir mezgilde kelýshileri 30 adamnan kóp bolmaýy tıis), dinı qulshylyq oryndalary. Talap – sanıtarlyq normalardy qatań saqtaý. Bul týraly qala ákimdiginiń resmı saıty habarlady.

Dámhana, meıramhanalar men jazǵy dámhanalarda qorqor tartýǵa tyıym salynǵan, al táptip buzǵanǵa 10 AEK aıyppul qarastyrylǵan. Osy oraıda qaladaǵy «Mıata» (A.Baıtursynov kóshesi) dámhanasyna aıyppul salyndy.

Sanıtarlyq normalardy buzǵan 26 nysan jabyldy, onyń ishinde qurylys kompanııalary, dúkender, dámhanalar men meıramhanalar bar. Nysandar sanıtarlyq-epıdemıologııalyq talaptardy qatań saqtaýdy qamtamasyz etpeıinshe ashylmaıdy. 150 mekeme eskertý aldy. Qatań sharalar koronavırýs ınfeksııasynyń taralýyna jol bermeý úshin qabyldandy.

Ákimdiktiń mobıldi toby polıseıler men epıdemıologtarmen birlesip, kún saıyn sanıtarlyq normalardy buzǵan nysandardy anyqtaý boıynsha reıd júrgizedi. Aıta keteıik, elordada maska kıip júrý talaby áli de ózekti. Eger qala turǵyndary sanıtarlyq normalardy saqtamasa, qalaǵa qatań karantın erejesin engizý qajet bolady.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar