Aımaqtar • 20 Mamyr, 2020

Bıyl Nur-Sultanda energııa únemdeıtin shamdardyń rekordtyq sany ornatylady

13 ret kórsetildi

Nur-Sultanda JKÝ shamdaryn (natrııli shammen) qazirgi zamanǵy energııa únemdeıtin jaryqdıodty shamdarǵa aýystyrý boıynsha jumys júrgizilýde. Mamandar atap ótkendeı, olar uzaq jáne únemdi qyzmet etip, elektr energııasyn az jumsaýǵa múmkindik beredi. Bul týraly qala ákimdiginiń resmı saıty habarlady.

«Bul shamdar elektr energııasyn únemdeýge múmkindik beredi jáne olar qarapaıym shamdarǵa qaraǵanda áldeqaıda jaryq bolady. Únemdiligi – 35-40%. Sondaı-aq olar joldardy avtokólik júrgizýshileri úshin neǵurlym jaryq jáne qaýipsiz etedi. Bul jaıaý júrginshiler úshin de yńǵaıly. Eger qalada 47 myń jaryq núkteleri bolsa, bıyl 10 myńyn aýystyrý josparlanǵan», – dep atap ótti qala ákiminiń orynbasary Altynbek Qaısaǵalıev.

Sondaı-aq elordada aýlalardy jáne qoǵamdyq keńistikterdi abattandyrý belsendi júrgizilýde. Bıyl 150 aýla men 50 qoǵamdyq keńistik (saıabaqtar, skverler) abattandyrylady.

Sońǵy jańalyqtar

Uqsas jańalyqtar