Taǵaıyndaý • 21 Mamyr, 2020

Jambyl oblysy ákiminiń orynbasary taǵaıyndaldy

35 retkórsetildi

Jambyl oblysy ákiminiń ókimimen Jazylbek Ulan Erkinuly Jambyl oblysy ákiminiń orynbasary bolyp taǵaıyndaldy. Bul týraly Jambyl oblysy ákimdiginiń baspasóz qyzmeti habarlady.

Ulan Jazylbek 1962 jyly týǵan, bilimi joǵary. 1984 jyly Almaty sáýlet-qurylys ınstıtýtyn «ınjener-qurylysshy» mamandyǵy boıynsha jáne 2009 jyly D.A. Qonaev atyndaǵy ýnıversıtetin «zańger» mamandyǵy boıynsha támamdaǵan.

Ol eńbek jolyn 1984 jyly Almaty úı qurylysy kombınatynda sheber, prorab, aǵa prorab bolyp bastaǵan. 1992-2005 jyldary jeke sektorda jáne kommersııalyq uıymdarda basshylyq laýazymdarda, 2005-2008 jyldary Almaty qalasy memlekettik sáýlet – qurylys baqylaý departamentiniń bas mamany, sáýlet-qurylys baqylaý bóliminiń bastyǵy, 2009-2011 jyldary «Qorǵas» shekara mańy yntymaqtastyǵy halyqaralyq ortalyǵy» AQ departamentiniń dırektory, «Qorǵas – servıs» JShS qurylys bóliminiń bastyǵy qyzmetterin atqarǵan.

Sondaı-aq 2011-2013 jyldary Almaty qalasy boıynsha memlekettik sáýlet-qurylys baqylaý jáne lısenzııalaý departamenti basshysynyń orynbasary, 2013-2014 jyldary О́ńirlik damý mınıstrligi qurylys jáne turǵyn úı - kommýnaldyq sharýashylyq komıteti tóraǵasynyń orynbasary, 2014 - 2017 jyldary Ulttyq ekonomıka mınıstrligi Ekonomıka ınfraqurylymyn damytý departamentiniń dırektory, Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq salasyn damytý departamentiniń dırektory laýazymdarynda bolǵan.

2017 jyldyń qarasha aıynan bastap Pavlodar oblysy ákiminiń birinshi orynbasary qyzmetin atqarǵan.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar