Saıasat • 22 Mamyr, 2020

Qoldaý – eldigimizdiń belgisi

11 retkórsetildi

Halqymyz: «Dosym dep birge júresiń, isiń bir túskende bilersiń» degendeı, Túrkistan oblysynyń Maqtaaral aýdanyna kezdeısoq tóngen sý apatynan zardap shekken jandarǵa halqymyz bir atanyń balasyndaı qoldaǵy baryn aıamastan berip jatty.

Osylaısha, halqymyz yn­ty­­maq-birligin, myzǵymas bo­lat­taı beriktigin is júzinde dálel­dep, kórsete bildi. Ata­laryna myń rahmet! Ádil sóz, ádil is, ádil qarym-qatynas ár­qa­­shanda sham-shyraqtaı bıik­terde jarqyrap janyp tura­dy. Kórshi ári týys ózbek aǵaı­yn­dardyń da tosynnan kelgen sý tasqynynan halqy, jeri zardap shekti. Olar da orasan shyǵynǵa ushyrady.

О́zbekstan Prezıdenti Sh.Mır­­zııoev ózderiniń ábestik­ten jibergen aıyptaryn memle­ket dárejesinde moıyndap, bizdiń halqymyzdan, maq­ta­araldyq aǵaıyndarynan arnaıy keshirim surady. Búginde qarap otyrmastan, baýyrlas óz­bek eli de qoldarynan kelgen kómekterin berýde, berip te ja­tyr. О́zbekstan úkimeti hal­qymen birlese otyryp, eki eldiń dostyǵyna eshqandaı da syzat túspeýine, sý apatynan kelgen zardaptardy bir adamnyń balasyndaı birigip joıýǵa, burynǵy qalpyna keltirýge barynsha at­salysýda. Jaqynda ǵana О́z­bekstan Premer-Mınıstri Abdýlla Arıpov pen Qazaqstan Premer-Mınıstri Asqar Ma­mın bastaǵan úkimet basshy­lary Maqtaaral aýdanyna kelip, zardap shekken aýyldar men eldi mekenderdi, egistik jer­lerin aralap kórip shyǵyp, qula­ǵan úılerdi, buzylǵan mekenjaılardy, aryqtar men atyz­dardy, kollektorlardy qaı­ta qalpyna keltirýge, bir­lesip jumys júrgizýge ýáde­lesip, bir kelisimge keldi.

Myrzakent kentinde bes júz tolyq ınfraqurylymdy orta kólemdegi úılerdi salýdyń ju­mystary bastalyp, onyń alǵashqy irgesiniń betonyn eki eldiń úkimet basshylary A.Mamın men A.Arıpovtar quıdy. Sý tasqynynan zardap shekkenderge arnap saly­nyp jatqan shaǵyn aýdan úsh kósheden turady. Tolyq salynyp bitý merzimi – 2-3 aı.

Prezıdent Qasym-Jomart Toqaev alǵash­qy apat bolǵan kún­derden bas­tap-aq maqta­aral­dyq baýyrlaryn dalada qal­dyr­maıtynyn senimdi túrde se­zindirgen bolatyn. Prezı­dentimiz ha­lyq­pen birge ekenin keshegi Arys qala­syn­daǵy jarylys­ta da, Qordaı­daǵy tosyn jaǵ­daıda da, endi mine, sý tasqy­nynan zar­dap shekken maqta­araldyq­tar­dyń bastaryna qıynshylyq tús­kende de kór­sete bildi. Prezı­dent memle­ket jaǵynan úlken kó­mek jasap otyr. «Birde-bir otba­sy, bir­de-bir qasiretke dý­shar bol­ǵan aza­matymyz qol­daý­syz, qamqor­syz, kómeksiz qal­maı­dy», dedi Prezıdentimiz.

Sý tasqynynan zardap shekken maqtaaraldyqtar Úkimet pen halqymyzdyń naq­tylaı kómekterin aıqyn sezindi. Ár­bir adamǵa 100 myń teńgeden jár­­dem berildi. Qazaqstannyń túk­pir-túkpirinen kelgen azyq-túlikterdiń, kıim-keshekter men kórpe-tósekterdiń, qarjylaı kómekterdiń esebi joq. Tur­ǵyn úılerdiń, áleýmettik nysan­dardyń, mal-múlikterdiń shy­ǵyn­dary túgeldeı arnaıy ko­mıssııa múshelerimen esepte­lip, barlyǵy Úkimet tarapynan óteletin boldy. Búginde Túr­kistan oblysynyń ákimi О́mirzaq Shókeev bastaǵan sý tas­­qynynan zardap shekken el­di ­mekender men egistik jer­lerdi shuǵyl túrde qalpyna kel­tirý boıynsha komıssııa qury­lyp, kúndiz-túni tynymsyz ju­mystar júrgizilýde. Ob­ly­sy­myzdyń túrli saladaǵy basshy qyzmetkerleri apat bastal­ǵaly beri halyqpen birge bolyp, óz kómekterin berýde.

Qudaı qalasa, bul qıyn­shyl­yq­tardy da artta qaldy­ryp, halqymyzdyń basyna tús­ken aýyrtpashylyqtardy da birlesip jeńermiz.

Sóz sońynda maqta­aral­dyqtardyń basyna osyndaı kútpegen aýyr qaıǵy-qasiret tús­kende qolushyn berip, qol­daý jasaǵan qazaqstandyq bar­sha baýyrlarymyzǵa shek­siz rızashylyǵymyzdy bildi­rip, rahmetimizdi aıtamyz! Osyn­daı birligi men yntymaǵy ja­rasqan elimizdiń kók týy árqashanda bıikte, tórimizde jelbirep, jasap-jaınap, kórkeıip, órkendep óse bersin demekpiz! Dostyq eli bolǵan Qazaqstanymyz jasasyn!

 

Aıypbergen BALTABAIULY,

aqyn, jazýshy,

Maqtaaral aýdanynyń qurmetti azamaty

 

Túrkistan oblysy

 

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Uqsas jańalyqtar