Aımaqtar • 22 Mamyr, 2020

Qyzmet bási jumys oryndaryn qurýmen ólshenedi

9 retkórsetildi

Elimizde budan 11 jyl buryn, ıaǵnı 2009 jyldary oryn alǵan qarjylyq daǵdarys kezinde eń alǵash ret qabyldanǵan «Jumyspen qamtýdyń jol kartasy» baǵdarlamasy oń nátıje bergenin is basynda júrgen azamattar jıi aıtyp júr. Pandemııa saldarynan buryn-sońdy bolyp kórmegen joıqyn daǵdarys tusynda buǵan deıingi tájirıbede ózin-ózi tolyǵymen aqtaǵan baǵdarlamanyń ekinshi tynysy ashylyp otyrǵany tek súıinishti jáıt. Ári 2020-2021 jyldary turǵyndardy jumyspen qamtýda áleýmettik mańyzy óte joǵary iske respýblıka boıynsha tabany kúrekteı 1 trıllıon tenge bólingeni de atap aıtýǵa turarlyq másele.

Al Aqtóbe oblysynda qaıtadan jańǵyrtylǵan jol kartasyna sáıkes bólingen qarajattyń mólsheri 46,3 mıllıard tengeni quraıdy. Bul qomaqty soma ártúrli sıpattaǵy 302 jobany júzege asyrýǵa negiz qalaıdy. Ári shamamen 12 myńǵa jýyq jańa jumys ornynyń ashylýyna septigin tıgizbek. Muny az deýge de, kóp deýge de bolmaıdy. Belgilengen jumys oryndarynyń basym kópshiligi ýaqytsha bolsa, onyń belgili bir bóligin turaqty jumys oryndary quramaq.

Qazirgi tańda kórsetilgen 302 jobaǵa túgelge derlik konkýrs jarııalanǵan. Sonyń ishinde 262 jobanyń merdigerleri anyqtalǵan. Al 202 joba boıynsha jumys bastalyp ketipti. Sonymen bir mezgilde 680 jumys orny ashylyp, bos júrgen turǵyndardyń qabaǵyna qýanysh uıalatqan. Bul jóninde gazet tilshisine Aqtóbe oblysy ákiminiń orynbasary Rýslan Hambarov aıtyp berdi. Osylaısha taıaý ýaqytta 12 myńǵa jýyq adam belgilengen jumys túrderine tolyqtaı tartylyp, ony jyl aıaǵyna deıin atqaratyn bolady. Jumyspen qamtýdyń jol karatsy baǵdarlamasy aıasynda 500 jumys orny turaqty túrde saqtalyp qalady dedi ol budan ári.

Tutastaı alǵanda búgingi kúni óńirde turǵynardy jumyspen qamtý men jańa jumys oryndaryn ashý isi jergilikti atqarýshy organdardyń basty mindetteriniń birine aınalyp keledi. Aýdandarda jáne aýyldar men iri eldi-mekenderde turǵyndardyń jańa kásipterdi ıgerýine tıisti jaǵdaılar týǵyzý, naryqtyq qarym-qatynastar talap etken mamandyqtarǵa qaıta ázirleý, aýyl jáne aýdan ákimderine jaýapty mindetter júkteıdi. Olardyń qyzmeti aldaǵy ýaqytta atalǵan isti qanshalyqty deńgeıde uıymdastyra bilýimen baǵalanbaq.

Oblys aýdandary ekonomıkasynyń basym bóligin aýylsharýashylyǵy salasy quraıdy. Ári bul salany bıznesti damytýdyń bir kózi dep qarastyrýǵa da bolady. Osy oraıda bul sektordy odan ári damytýǵa saldyr-salaq qaraǵan, ári aýylsharýashylyǵy óndiris uıymdastyrý isinde biliktilik pen kásibılik tanyta almaǵan ákimderdiń óz oryndaryn bosatý yqtımaldyǵy joǵary. Bir sózben aıtqanda aýdan jáne aýyl ákimderiniń qyzmeti jańa jumys oryndaryn qura bilýimen ólshenbek. Mine, Aqtóbe oblysynyń ákimi Ońdasyn Orazalınniń bul baǵyttaǵy basty ustanymy osyndaı bolyp otyr.

 

Aqtóbe oblysy

Sońǵy jańalyqtar

Shymkenttik 2000 jas jumyspen qamtylady

Aımaqtar • Búgin, 14:01

Júzdegen turǵynǵa jumys tabyldy

Aımaqtar • Búgin, 12:44

Qaraǵandy: Tarıh taǵylymyna taǵzym

Aımaqtar • Búgin, 10:15

Ǵataýlın qalaı halyq jaýy boldy?

Tarıh • Búgin, 10:00

Aýylda sport kesheni salynýda

Aımaqtar • Búgin, 09:28

QHL qyrkúıekte bastalady

Sport • Búgin, 08:09

Resmı shara bir jylǵa shegerildi

Sport • Búgin, 08:04

Stadıonǵa barýǵa ruqsat

Sport • Búgin, 07:45

Dala folklorynyń antologııasy

Rýhanııat • Búgin, 07:23

Jyr-dastandar – jańa formatta

О́ner • Búgin, 07:20

Uqsas jańalyqtar