Aımaqtar • 22 Mamyr, 2020

COVID-19: Almaty arqyly 28 shaǵyn ózen aǵyp ótedi

16 retkórsetildi

Almaty qalasynyń aýmaǵy arqyly 28 shaǵyn ózen aǵyp ótedi, sonymen qatar qala ishinde 26 sý qoımasy ornalasqan, olardyń 4-ýinde sýda shomylýǵa ruqsat etilgen. Sýǵa shomylýǵa ruqsat etilgen oryndardy jarııalamas buryn, Qazaqstan Respýblıkasynyń Bas memlekettik sanıtarlyq dárigeriniń 2020 jylǵy 10 mamyrdaǵy № 36 buıryǵyna sáıkes karantın rejımi jalǵasyp jatqandyǵyn atap ótken jón. Halyqtyń shoǵyrlanýynan, aýrýdyń yqtımal kózderimen baılanysý qaýpi joǵary bolǵandyqtan, sýdaǵy qoǵamdyq demalys oryndaryna barýǵa tyıym salynady.

Sýda shomylýǵa ruqsat etilgen oryndar:
1) Saıran ózeniniń batys bóligi Tóle bı kóshesinen ońtústik baǵytqa qaraı pırsqa deıin 300 metr;
2) Saıran ózeniniń shyǵys bóligi Tóle bı kóshesinen ońtústik baǵytqa qaraı;
3) ÚAK boıyndaǵy D.Qonaev atyndaǵy jaǵajaı aımaǵy- «Baým» toǵaıy;
4) ÚAK boıyndaǵy D. Qonaev atyndaǵy jaǵajaı aımaǵy- «Gúlder» demalys orny.

Qalǵan sý qoımalary men taý ózenderi (Esentaı, Kishi jáne Úlken Almaty) qaýipsiz bolyp sanalǵanmen shomylýǵa tyıym salynǵpn. Bul jerlerde shomylýǵa tyıym salynǵan arnaıy belgiler ornatylǵan! Almaty qalasynyń PD, Almaty qalasynyń TJD qyzmetkerleri sýdaǵy (adamdardyń sýǵa batýy) oqys oqıǵalardy azaıtý, boldyrmaý jáne aldyn alý maqsatynda adamdar kóp demalatyn oryndarǵa kúndelikti reıdtik sharalar ótkizedi, al sýdaǵy demalys aımaqtaryn kúndelikti patrýldeýdi Qazaqstan Respýblıkasy Ulttyq ulanynyń áskerı qyzmetshileri júrgizetin bolady.

Bıyl mamyr aıynda Departament RJQJ men birlesip 60-tan astam osyndaı reıdter júrgizildi, «Sýdaǵy qaýipsizdik sharalaryn saqtaý» taqyrybynda 1 myńǵa jýyq eskertpeler taratyldy.
2019 jylǵy sýǵa batý oqıǵalarynyń aldyn alý úshin 287 reıd júrgizilip, 7 myńnan astam jadynamany taratýmen demalýshylar arasynda túsindirý jumystary júrgizildi; Adamdar turmaıtyn jerlerde sýǵa shomylǵany úshin 21 adam. Sýǵa túsýge ruqsat etilmegen oryndarǵa shomylǵan 21 adam Almaty qalasy PD JPQB qyzmetkerlerimen ákimshilik jaýapkershilikke tartyldy.

2019 jyly Almaty qalasynyń sý qoımalarynda 8 adam qaıtys boldy (3 jazataıym oqıǵa, 1 sýısıd, 1 qylmystyq sıpattaǵy jaǵdaı, ruqsat etilmegen oryndarǵa shomylý 1 oqıǵa, balany eresekterdiń qaraýynsyz qaldyrý oqıǵasy-1, 1 oqıǵa mas kúıinde shomylý). Sonymen birge qutqarýshylar sýdaǵy apat kezinde 65 adamdy qutqardy, olardyń 36-sy balalar.

Shomylý maýsymynyń qarsańynda Departament qyzmetkerleri buqaralyq aqparat quraldary arqyly keń kólemdi úgit-nasıhat jumystaryn júrgizýdi jáne Qyzyl jarty aı uıymy men eriktiler Lıgasynyń qatysýymen flesh-mob ótkizýdi josparlap otyr, óıtkeni sý obektilerinde minez-qulyq erejeleri týraly bilimdi taratý ásirese jas urpaq arasynda ózekti bolyp tabylady. Sondyqtan nemquraılylyq nemese bilmestik arqyly jasalǵan qatelik aýyr zardaptarǵa ákelýi múmkin.

Sondaı-aq, ata-analarǵa balalarǵa sýda sýdaǵy qaýipsiz júris-turys erejeleri týraly, belgilengen jerlerde shomylý týraly, sýda qutqarýdyń negizgi ádisteri men tásilderin túsindirýdi suraımyz. Osyndaı profılaktıkalyq jumystardyń arqasynda balalar sýda durys júzý mádenıetin qalyptastyrý daǵdylaryn damytady.

Osyǵan baılanysty, TJ departamenti turǵyndar men qonaqtarǵa Qazaqstan Respýblıkasynyń Ákimshilik quqyq buzýshylyq týraly kodeksine sáıkes, arnaıy belgilenbegen jerlerde shomylǵany úshin ákimshilik jaýapkershilikke tartylatynyn eskertedi.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar