Aımaqtar • 23 Mamyr, 2020

Gúlshara Ábdiqalyqova jumys saparymen Jalaǵash aýdanynda boldy

55 ret kórsetildi

Sapar barysynda aımaq basshysy eldi mekenderdiń jaǵdaıymen, áleýmettik nysandardyń jumysymen jáne «Jumyspen qamtý jol kartasy 2020» memlekettik baǵdarlamasynyń júzege asyrylý barysymen tanysty. 

«Jumyspen qamtý jol kartasy» memlekettik baǵdarlamasy sheńberinde aýdanǵa 1,7 mlrd teńge bólingen. Bul qarjy, turǵyn úı-kommýnaldyq sharýashylyǵy, abattandyrý, ınjenerlik-kóliktik ınfraqurylymdy damytý jobalaryna baǵyttalatyn bolady jáne 682 jańa jumys ornyn ashýǵa múmkindik beredi.

Aldymen, oblys ákimi Eńbek aýyldyq okrýgindegi sport kesheniniń jumysymen tanysty. Bul aýylda 2,1 shaqyrym ishki joldarynyń ortasha jóndeý jumystary júrgiziledi dep josparlanýda. 

Sondaı-aq Gúlshara Ábdiqalyqova Maqpalkól aýyldyq okrýginde №117 mekteptiń qurylysymen, «Qurmanbaı Ata» sharýa qojalyǵynyń jumysymen tanysty.  

Sharýa qojalyǵy jumysyn 2018 jyly bastaǵan. Qazir 6 gektar baqta almanyń bes túrin ósirip otyr. Al, Á.Ońalbaev atyndaǵy №117 mektepke kúrdeli jóndeý jumystaryn júrgizýge «Jumyspen qamtý jol kartasy» memlkettik baǵdarlamasy aıasynda 219 mln teńge bólingen, nátıjesinde 71 turǵyn ýaqytsha jumyspen qamtyldy.  

Munan soń, oblys ákimi Tań aýyldyq okrýgindegi memlekettik-jekeshelik áriptestik negizinde salynǵan áleýmettik nysandardyń jumysymen tanysty. Qurylys jumystaryn «Tań LTD» JShS júrgizip, balabaqsha 2017 jyly, al, sport kesheni 2018 jyly paıdalanýǵa berilgen.

Elimizde jarııalanǵan tótenshe jaǵdaıdan keıin ekonomıkany qalypqa keltirý mańyzdy. Aýdanda kúrish óńdeýden basqa kásipkerlik túrleriniń damýyn qoldaý úshin «Qarapaıym zattar ekonomıkasy» baǵdarlamasyn júzege asyrýǵa kóńil bólińizder. Sol sebepti, aýdan ákimderi kásipkerlerge barynsha qoldaý kórsetý kerek. Al, kásipkerler óz kezeginde sapaly ónim shyǵaryp, aýqymyn keńeıtýge jumys jasaý qajet, - dedi oblys ákimi. 

Osy jyldyń 4 aıynyń qorytyndysy boıynsha aýdanda birqatar kórsetkishterdiń oń dınamıkasy baıqalady. Degenmen, keıbir salalardyń kórsetkishteri áli de tómen. Máselen, jumyssyzdyq deńgeıi 5% qurap, oblystyq 4,8%-dan joǵary bolyp otyr. О́lim-jitim – 1,4%-ǵa, týberkýlez boıynsha aýrýshańdyq 18,5%-ǵa joǵarylaǵan.  

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar