23 Mamyr, 2020

Pavlodar oblysynda 1609 aýyl sharýashylyǵy taýaryn óndirýshi tıimdi sýbsıdııaǵa qol jetkizgen

20 ret kórsetildi

Elimizdiń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasynda sýbsıdııalaý isine erekshe mán berilgen.

Oblystyq aýyl sharýashylyǵy basqarmasynyń málimetinshe, óńirdegi jergilikti sharýalarǵa sýbsıdııa bólý qarastyrylýda.

Buǵan deıin Asyl tuqymdy mal sharýashylyǵy jáne tuqym sharýashylyǵy salasyna ǵana  tólenip kelgen.

Byltyr oblystyń agrokeshenin damytýǵa 23,4 mlrd teńge bólinipti. Onyń 14,4 mlrd teńgesi-respýblıkalyq bıýdjetten.

Al qarajattyń basym bóligi-sharýashylyqtardy sýbsıdııalaýǵa jumsalǵan. Investısııalyq sýbsıdııa baǵdarlamasy sheńberinde byltyr 32 sharýa 1,9 mlrd teńge qarajatqa shetelden 2759 bas asyl tuqymdy iri qara jetkizdi. Onyń 454,5 mıllıon teńgesi sýbsıdııalandy.

Sonymen birge, tehnıka satyp alǵany úshin 300 sharýanyń 10 paıyzdyq shyǵyny oblystyq bıýdjet esebinen ótelgen.

Gerbısıd pen tyńaıtqyshtardyń shyǵynyn óteýge oblystyq bıýdjetten 766 mıllıon teńge qarajat jumsalǵan. О́simdik sharýashylyǵyn damytýǵa 628 mıllıon teńge qarastyrylyp, 256 dıqan elıtalyq tuqym satyp alǵany úshin sýbsıdııaǵa qol jetkizdi.

Sóıtip, jergilikti 1609 aýyl sharýashylyǵy taýaryn óndirýshi tıimdi sýbsıdııaǵa qol jetkizdi.

Sondaı-aq, byltyr sýbsıdııa alý úshin Qoldau.kz elektrondy júıesine ótinish joldaý tártibi engizilip, ınternet jyldamdyǵy az, tipti ǵalamtor joq jerde otyrǵan sharýalar demeýqarjy alýǵa úlgermeı qaldy.

О́tken jyly 1 mlrd 200 mıllıon teńge qarajat úlestirilmeı qalǵan. 

Jańa júıe sýbsıdııa bólýdiń ashyqtyǵyna kóz jetkizýge múmkindik bergenimen, sharýalardyń kóbi alǵan joq.

Sondyqtan byltyr sýbsıdııa ala almaı qalǵan sharýalarǵa bıyl birinshi kezekte qarajat berilmekshi.  

Pavlodar oblysy

 

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar