Rýhanııat • 24 Mamyr, 2020

Búgin - Oraza aıt merekesi

11 ret kórsetildi

Búgin musylman qaýymy úshin ulyq mereke – Oraza aıt bastaldy.

Qazaqstan musylmandary dinı basqarmasy bıylǵy tótenshe jaǵdaıǵa baılanysty oraza aıt meıramyn ótkizý týraly arnaıy málimdeme jasady. Onda Oraza aıt merekesi bir aı boıy shynaıy yqylaspen oraza ustap, ár kúnin jaqsylyq jasaýmen ótkizgen adamnyń qurmetke, marapatqa ıe bolatyn kezi ekeni jazylǵan.

«Alla Taǵala qudsı hadıste: «Pendelerim Men paryz etken orazany atqaryp, aqysyn alýǵa (aıt namazyn óteýge) meshitke bet aldy. Olar Men úshin oraza ustady, Meniń pármenimmen aýyz ashty, endi qýanyshqa kenelsin…», – degen.

Islam dininde kez kelgen mereke ǵıbadatpen bastaý alady. Sharıǵatymyz boıynsha aıt namazyn jamaǵatpen oqý – ýájip. Alaıda, bıylǵy oraza aıt namazy elimizdegi karantın jaǵdaıyna baılanysty meshitterde jamaǵatpen ótkizilmeıdi. Hanafı mázhaby boıynsha aıt namazyn úıde jeke oqý durys emes.

Biraq, aıt kúni kún naıza boıy kóterilgennen keıin árkim óz úıinde eki nemese tórt rakaǵat nápil (duha) namazyn jeke oqı alady. Ony tórt rakaǵat etip oqý – abzal. Abdýlla ıbn Masǵýd (Alla odan razy bolsyn): «Aıt namazyn oqı almaǵan adam tórt rakaǵat namaz oqıdy. Birinshi rakaǵatta «Fatıha» súresinen keıin «Sábbıhısmá rabbıkál-aǵlaa», ekinshi rakaǵatta «Ýásh-shámsı ýá dýhaaháá», úshinshi rakaǵatta «Ýál-láılı ızaa ıaǵshaa», tórtinshi rakaǵatta «Ýad-dýhaa» súrelerin oqıdy», – degen. Al atalmysh súrelerdi jatqa bilmeıtin kisiler basqa da súrelerdi oqysa bolady.  

Aıt kúni sáresin ishpeıdi, kúndiz aýzy ashyq bolady. О́ıtkeni, hadıste: «Alla Elshisi (oǵan Allanyń salaýaty men sálemi bolsyn) oraza jáne qurban aıt kúnderi oraza ustaýǵa tyıym salatyn» delingen.

Oraza aıt – mereke. Sondyqtan meıram kúni ata-anamyzǵa, otbasymyzǵa, balalarǵa, týma-týystarǵa syılyq úlestirý – saýapty ári ıgi iske jatady. Alla Elshisi (oǵan Allanyń salaýaty men sálemi bolsyn): «Bir-birlerińe syılyq berińder, aralaryńda súıispenshilikteriń artady» – dep ósıet etken.

Oraza aıt – keshirim jasaıtyn kún. Paıǵambarymyz (oǵan Allanyń salaýaty men sálemi bolsyn): «Árbir júregi pák – tili shynshyl adam», – dedi. Sahabalar: «Tili shynshyl degen túsinikti, júregi pák degendi qalaı túsinemiz» dep suraǵanda Paıǵambarymyz (oǵan Allanyń salaýaty men sálemi bolsyn): «Júregi pák degenimiz – taqýa, taza, yza jáne kóre almaýshylyqtan ada adam», – dedi.

Oraza aıt – muqtajdarǵa kómektesetin kún. Quran Kárimde: «Allaǵa qulshylyq etińder, Oǵan esh nárseni ortaq qospańdar. Áke-sheshege, jaqyndarǵa, jetimderge, miskinderge, jaqyn kórshige, bógde kórshige, jan joldasqa, jolda qalǵandarǵa jáne qol astyndaǵylarǵa jaqsylyq jasańdar», – delingen («Nısa» súresi, 36-aıat).

Jaratqan Alla árbirimizdiń oraza aıt kúni jasaǵan izgi isterimizdi, duǵa-tilekterimizdi qabyl etip, jyldan jylǵa, aıdan aıǵa aman-esen jetýdi násip etkeı!» delingen málimdemede. 

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar