Prezıdent • 25 Mamyr, 2020

Prezıdent Túrki akademııasynyń jumysyn joǵary baǵalady

94 ret kórsetildi

Prezıdent Qasym-Jomart Toqaev Elbasynyń bastamasymen qurylǵan Akademııanyń 10 jyldyq mereıtoıyna oraı quttyqtaý hat jiberdi. Bul týraly akademııanyń resmı saıty habarlady.

«Cizdi jáne Siz basqaryp otyrǵan ujymdy ortaq qýanysh – Túrki Akademııasynyń 10-jyldyq mereıtoıymen shyn júrekten quttyqtaımyn!

Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń bastamasymen qurylǵan ınstıtýt kúlli túrki áleminiń yntymaǵyn nyǵaıtý isine súbeli úles qosyp kele jatqan bedeldi ǵylymı ordaǵa aınaldy.

Akademııa baýyrlas halyqtardyń tereńnen bastaý alatyn ortaq tarıhy men tamyryn jańǵyrtý, órkenıeti men mádenı qundylyqtaryn nasıhattaýda tolaıym tabystarǵa qol jetkizýde. Kóptegen zertteýler men aǵartýshylyq jumystar nátıjesinde túrkitildes memleketterdiń baı murasy tórtkúl dúnıege pash etilip, ata-babadan mıras bolyp qalǵan týystyq óziniń baıandy jalǵasyn tabýda.

Osy rette, Akademııa qyzmetkerleriniń tushymdy oıy men salıqaly eńbekteri túrki dúnıesimen ǵana shektelmeı, halyqaralyq qaýymdastyqqa keńinen tanylyp, joǵary baǵasyn alǵanyn erekshe atap ótý oryndy.

Bul baǵyndyrar belester túrki áleminiń mereıin ústem, birligi men bolashaǵyn berekeli etý jolyndaǵy qajyrly jumystyń jarqyn kórinisi ekeni sózsiz.

Búgingideı aıtýly kúnde Sizge jáne Akademııa ujymyna qolǵa alǵan ister men bastamalaryna sáttilik, sondaı-aq shyǵarmashylyq tabys tileımin» dep tilek bildirdi Memleket basshysy.

123

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar