Aımaqtar • 25 Mamyr, 2020

Almatydaǵy polıseılerdiń teń jartysy karantın erejelerin saqtaýdy qadaǵalaıdy

59 ret kórsetildi

Búgin Almaty qalasy óńirlik kommýnıkasııalar qyzmetiniń alańynda birneshe  brıfıng qatar ótip, Almaty qalasy ákiminiń birinshi orynbasary Erlan Qojaǵapanov men Polısııa departamentiniń basshysy Qanat Taımerdenov BAQ ókilderiniń saýaldaryna jaýap berdi.

Polısııa departamentiniń basshysy Almatyda kópqabatty turǵyn úı aýlalaryndaǵy tártipti qaladaǵy patrýl qyzmetkerleriniń teń jartysy qadaǵalaıtyndyǵyn atady.

«Almaty polısııasy júrgizilgen taldaý nátıjeleri boıynsha Patrýldik polısııa polki quramynyń 50% qalanyń kósheleri men aýlalaryna baǵyttaý týraly sheshim qabyldady. «102 patrýldik aımaq anyqtaldy. Qalada jalpy 2020 patrýldik baǵyt jasalǵan, olardyń 478-ine sholǵyndaý avtokólikpen, 1487-ine jaıaý júrgiziledi. 550 baǵyt boıynsha eki aýysymda 2 myńnan astam polısııa qyzmetkeri kún saıyn qoǵamdyq tártipti kúzetedi. Jaıaý patrýldeý engizilgen sátten bastap atalǵan aımaqtarda qylmystardy tirkeý 16,5% azaıdy», – dedi Qanat Taımerdenov.

Sonymen qatar Q.Taımerdenov tártipti saqtaýǵa 1 qoǵamdyq qurylym men ártúrli uıymdardyń 7 komandasy qatysatynyn atap ótti. Olardyń kómegimen 39 qylmys ashylyp, 4 214 ákimshilik quqyq buzýshylyq anyqtalǵan.

Almaty qalasy ákiminiń birinshi orynbasary Erlan Qojaǵapanov blok-beketterde týyndaǵan uzyn-sonar keptelisterge qatysty saýaldarǵa: «Qazir qalada 700 polısııa qyzmetkeri 22 blokposta 2-3 aýysymmen jumys istep jatyr. Bir blokposqa 10 adamnan keledi. Alaıda, biz blokposttyń perımetrin de eskerýimiz kerek. Ol terrıtorııa da baqylaýdy qajet etedi. Qazir karantın sharalarynyń báseńsýine baılanysty qalaǵa kiretin-shyǵatyn kólikterdiń sany artyp keledi», – dep jaýap berdi.

Qojaǵapanovtyń aıtýynsha, qazir ár blok-bekette polısııa qyzmetkerleriniń qolyna beriletin planshetter sany kóbeıgen.

Sońǵy jańalyqtar

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

2020-2021 oqý jylyna daıyndyq qandaı?

Qazaqstan • Búgin, 11:30

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar