Álem • 28 Mamyr, 2020

Álemdegi ahýalǵa sholý: Japonııa elge kelgen týrısterge kúnine 185 dollardan tóleıdi

201 ret kórsetildi

Bul toptamada álemniń 188 elinde taraǵan COVID-19 vırýsyna qatysty sońǵy jańalyqtardy jarııalap otyramyz.

28 mamyrda Johns Hopkins University (JHU) usynǵan málimet boıynsha vırýs juqtyrǵandar sany - 5 691 790, ólim sany - 355 629aıyqqandar sany - 2 350 088 adam boldy (jańartylǵan ýaqyty 09:45).

11:55

Japonııada týrısterge kúnine 185 dollardan tóleıdi

Japonııa bıligi koronavırýstyq ınfeksııanyń órshýine baılanysty shekteýler alynyp tastalǵannan keıin týrısterdi tartý úshin olarǵa elde bolǵan ár kún úshin aqy tóleýdi josparlap otyr. Bul bastama úshin 12,5 mıllıard dollar qarjy bólingen. Bul týraly  The Jakarta Post habarlady.

Sheteldik saıahatshylarǵa kúnine 20 myń ıen (185 dollar) kóleminde sýbsıdııa beriledi. Bul soma Japonııada bolǵan kezde týrısterdiń shyǵyndarynyń jartysyn jabady. Vaýcherlerdi dúkender men dámhanalarda jáne meıramhanalarda paıdalana alady.

Baǵdarlama shilde aıynyń sońynda iske qosylady. Sýbsıdııa alý úshin tikeleı nemese japondyq týrıstik agenttikter arqyly qonaq úıdi brondaý qajet.

«Jalpy ishki ónimniń 40 paıyzyn quraıtyn sharalardyń arqasynda biz japon ekonomıkasyn 100 jylda bir ret bolatyn daǵdarystan qorǵaımyz. Eń mańyzdysy, kómek qıyn jaǵdaıǵa tap bolǵandarǵa tez jetedi», - dedi Japonııanyń premer-mınıstri Sındzo Abe.

123

10:45

Úndistanda bir táýlikte 6,5 myńnan astam adam vırýs juqtyrǵan

Úndistanda bir táýlik ishinde koronavırýstyq ınfeksııanyń jańa túrin juqtyrǵan 6,5 myńnan astam adam anyqtalǵan, osylaısha eldegi vırýs juqtyrǵandardyń jalpy sany – 158 333.

Densaýlyq saqtaý jáne otbasy ál-aýqaty mınıstrliginiń málimetteri boıynsha, 86 110 adam em qabyldap jatyr. 67 691 adam (táýligine 3266 adam) saýyǵyp shyqsa, 4531 adam (táýligine 194 adam) qaıtys boldy.

El ortalyǵyndaǵy Maharashtra shtatynda aýrýdyń barlyq jaǵdaılarynyń úshten birinen astamy – 56 948 (táýligine 2190) juqtyrý oqıǵasy tirkelgen. Ekinshi orynda Tamılnad shtaty – 18 545 aýrý (táýligine 817). Úshinshi orynǵa astanalyq Delı okrýgi shyqty, onda 15 257 adam (táýligine 792 adam) bar.

Buǵan deıin Úndistannyń Ishki ister mınıstrligi 25 naýryzdan bastap eldegi oqshaýlaý rejımin 31 mamyrǵa deıin uzartyp, shtattarǵa koronavırýspen aýyrǵandardyń sanyna baılanysty qyzyl, qyzǵylt sary jáne jasyl aımaqtardy bólip kórsetýge nusqaý berdi. Búginnen bastap el bıligi zaýyttardyń jáne jeke dúkenderdiń jumys isteýine ruqsat berdi. Belgili bir shekteýlermen qoǵamdyq kólik jumysyn qaıta bastady, sondaı-aq birqatar ishki avıareısterge ruqsat etildi, arnaıy poıyzdar basqa shtattarda qalyp qoıǵan mıgranttardy tasymaldaýdy bastady.

31 mamyrda Úndistan premer-mınıstri Narendra Modı 11 iri qalaǵa qatysty oqshaýlaý rejıminiń jańa erejeleri týraly habarlaıdy.

123

09:45

Dúnıejúzinde 5 691 790 adam koronavırýs juqtyrdy.

355 629 adam qaıtys boldy.

2 350 088 naýqas qulan-taza aıyqty.

AQSh-ta 1 699 176 jaǵdaı tirkeldi, 391 508 adam saýyǵyp shyqty, 100 418 adam qaıtys boldy.

Brazılııada 411 821 jaǵdaı tirkeldi, 166 647 adam saýyǵyp shyqty, 25 598 adam qaıtys boldy.

Reseıde 370 680 jaǵdaı tirkeldi, 142 208 adam saýyǵyp shyqty, 3 968 adam qaıtys boldy.

Ulybrıtanııada 268 619 jaǵdaı tirkeldi, 1 166 adam saýyǵyp shyqty, 37 542 adam qaıtys boldy.

Ispanııada 236 259 jaǵdaı tirkeldi, 150 376 adam saýyǵyp shyqty, 27 117 adam qaıtys boldy.

Italııada 231 139 jaǵdaı tirkeldi, 147 101 adam saýyǵyp shyqty, 33 072 adam qaıtys boldy.

123123

Sońǵy jańalyqtar

Abaıdy tanytqan abyz tulǵa

Qazaqstan • Keshe

El júregi – elorda

Aımaqtar • Keshe

Astana kúni qarsańynda marapattar aldy

Aımaqtar • 03 Shilde, 2020

Iаnaıkınge “naǵyz qazaq”

Aımaqtar • 03 Shilde, 2020

Atyraýda 42 kóshege jol tóseledi

Aımaqtar • 03 Shilde, 2020

Atyraýda 32 otbasy jańa páterge kóshti

Aımaqtar • 03 Shilde, 2020

Nashaqorlarǵa qarsy kúres toqtamaıdy

Aımaqtar • 03 Shilde, 2020

Uqsas jańalyqtar