Aımaqtar • 29 Mamyr, 2020

UBT-ny Digital Agent qosymshasy arqyly baqylaýǵa bolady

69 ret kórsetildi

Bıyl qala boıynsha 9299 túlek 11 synypty aıaqtaǵaly otyr. Olardyń 545-i «Altyn belgi» tósbelgisine úmitker. Olarǵa «Attestat tapsyrý» rásimi 3-4 maýsym kúnderine josparlanǵan. Qala ákimdiginde ótken brıfıngte Almaty qalasynyń bilim salasynda sapany qamtamasyz etý departamentiniń basshysy Gúlnar Ermekbaeva Ulttyq biryńǵaı testileýge tirkelý online rejıminde ótkizilgendigin, al testileý 20 maýsym men 5 shilde aralyǵynda dástúrli nysanda ótetindigin málimdedi.

«Testileýge qatysýǵa barlyǵy 14 972 ótinish kelip tústi. Onyń ishinde 9047 ótinish jalpy bilim berý uıymdarynan bolsa, 5925 orta arnaıy oqý oryndarynyń túlekteri. Bıyl kez kelgen adam UBT Digital Agent qosymshasy arqyly baqylaı alady. Eger UBT ótkizý erejelerin buzý faktisi anyqtalsa, Digital Agent arqyly foto/beıne jazbany tikeleı jibere alady nemese 1414 jáne 1424 telefondaryna habarlasa alady. UBT-nyń ótkizilýin Sybaılas jemqorlyqqa qarsy qyzmet janyndaǵy arnaıy monıtorıngtik toptyń músheleri qadaǵalaıdy», – dedi Gúlnar Ermekbaeva.

Eskerte ketsek, testileýge kirý kezinde tapsyrýshy túlekte tyıym salynǵan zattar, ıaǵnı smartfon, qarapaıym telefon, gadjet, shpargalka tabylsa, ol testileýge jiberilmeıdi ári bıyl UBT-ny aqyly negizde tapsyrý quqyǵynan aıyrylady.

Brıfıng kezinde spıker Ulttyq biryńǵaı testileý medısınalyq-sanıtarlyq normalar erejelerin tolyq saqtaı otyryp ótkiziletinin aıtty. Sondaı-aq karantındik jaǵdaı men onyń talaptaryn eskere otyryp, ata-analarǵa qarata «túlektermen birge ilesip kelmeýlerińizdi suraımyz» dep ótinish jasady.

Esterińizge salsaq, 6 sáýirden bastap respýblıka boıynsha karantın ýaqytynda mektepter dástúrli oqytýdan qashyqtan oqytýǵa aýystyrylǵan bolatyn. Soǵan oraı pedagogtarǵa sapaly jumys jasaý úshin barlyq jaǵdaı jasalǵanymen, qıyndyqtar týyndaǵany jasyryn emes.

«Mektepter birinshi ret standartty emes oqytý formasymen betpe-bet kelgendikten, qıyndyqtar boldy. Qashyqtan oqytýdy uıymdastyrý máseleleri boıynsha ata-analardan 50-den astam ótinish kelip tústi. Ol suraqtar men ótinishter boıynsha Departament ýaqytyly túsindirme jumystaryn júrgizdi», – dedi G. Ermekbaeva.

Karantın jaǵdaıynda qashyqtan bilim alýǵa oraı mektepter oqýshylar men muǵalimderge 10 000 astam kompıýterdi ýaqytsha paıdalanýǵa bergen. Al 1469 otbasyǵa demeýshilerdiń qoldaýymen kompıýter syıǵa berilgen. Al Prezıdent Qasym-Jomart Toqaev ústimizdegi jyldyń 27 mamyr kúni ótkizgen keńeste belgili bolǵandaı, 2025 jylǵa deıin bilim salasyna 6 ese, ǵylym salasyna 7 ese qarajat bólinetini aıtyldy. 

«Prezıdent bilim men ǵylym salasynyń bolashaqtaǵy rólin aıqyn túsiný úshin búkil memlekettik saıasatty soǵan sáıkes júzege asyrýda 2020-2025 jyldarǵa arnalǵan memlekettik baǵdarlamany qaıta zerdeleý qajettigine toqtaldy. Sonymen qatar, Til komıtetin Bilim jáne ǵylym mınıstrliginiń qaramaǵyna ótkizip, qazaq tilin oqytý ádistemesin ázirleýge jáne úıretýge múmkindik beretinin atap ótti», – dedi G. Ermekbaeva.

Sóz sońynda spıker Almaty qalasy bilim salasynda sapany qamtamasyz etý departamentine Qazaqstan Respýblıkasy Bilim jáne ǵylym mınıstrligi bıyldan bastap Balalardyń quqyqtaryn qorǵaý jónindegi fýnksııalar júktegenin aıtty.

Sońǵy jańalyqtar

Atyraýda 32 otbasy jańa páterge kóshti

Aımaqtar • Búgin, 19:41

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar