Álem • 02 Maýsym, 2020

Tramp býnkerge tyǵyldy

359 ret kórsetildi

AQSh prezıdenti Donald Tramp Vashıngton qalasyndaǵy sherýge shyqqandardyń yqpalynan qashyp, Aq úıdiń arnaıy jerasty býnkerine tyǵyldy. Oqıǵa týraly alǵash aqparat taratqan The New York Times gazetiniń habarlaýynsha, Qurama Shtattarynyń basshysy bir saǵatqa jýyq býnkerde bolǵan.

CNN arnasy taratqan aqparatqa súıensek, D.Tramppen birge jubaıy Melanııa Tramp pen uly Barron da býnkerge jetkizilgen. Aq úı basshysynyń mundaı qadamyna búkil elde júrip jatqan sherýler áser etti. Ásirese ap­­­­tanyń aıaǵynda Vashıngtonda myń­daǵan narazy Aq úı mańyna jınalyp, D.Tramptyń atyna qarǵys jaý­dyryp, ǵımaratqa qaraı kirpish, bó­tel­ke laq­tyrǵan. Sherýshilerdiń ekpini­nen se­kem­dengen «Qupııa qyzmet» ókil­deri prezıdent pen onyń otbasyn pro­­tokolǵa sáıkes qaýipsiz kameraǵa aparǵan.

The New York Times gazetiniń habar­laýynsha, Aq úı mańyndaǵy mıtıng kezinde D.Tramp qaýipsiz bólmede otyryp, týıtterdegi paraqshasyna jazbalardy qarsha boratypty. Nara­zy­lardyń áreketin zańsyzdyqqa te­ńe­gen ol eldegi demokrattarǵa da tıi­sip­ti. Degenmen, atalǵan basylym pre­zıdent aınalasyndaǵylar she­rý­shi­­ler­diń áreketi tikeleı D.Trampqa ba­ǵyttalmaǵanyn, kerisinshe eldegi ná­sildik bólinýge baılanysty týyn­daǵa­nyn jetkizýge tyrysqanyn kel­tiredi.

Esterińizge salsaq, AQSh-ta qara ná­sildi Djordj Floıdtyń polısııa qo­lynan qaza tabýyna baılanys­ty halyq sherýge shyǵyp, kó­she­lerdi qıratyp, tonap, polısııa­men qaqtyǵysyp, bir­neshe adam jaraqattanǵan-dy.

Mınneapolıs qalasynda 25 mamyrda polısııa qyzmetkerleri jalǵan banknot qoldanǵan-qoldanbaǵanyn tek­serý úshin Djordj Floıd esimdi qara násildi azamatty toqtatady. Ol kólikten shyǵýdan bas tartqan. Quqyq qorǵaýshylar onyń qolyna kisen salǵanda jaǵdaıy nasharlaǵanyn baıqap, aýrýhanaǵa jetkizedi. Áıtse de, Floıd aýrýhanaǵa jetpeı demi úziledi.

Osy oqıǵadan kóp uzamaı áleý­mettik jelilerde Floıdty tutqyndaý sáti beınelengen vıdeo tarady. Onda polısııa qyzmetkeri qara násildi aza­matty qylqyndyryp, moınyn tize­simen basyp otyrǵany baıqalady. Vıdeoda Floıdtyń birneshe ret «Dem jetpeı barady!» aıqaılap, «Meni ól­tirmeńdershi» dep jalynǵany estiledi.

Osy oqıǵadan keıin Floıdtyń óli­mine qatysy bar 4 polısııa qyz­metkeri jumystan qýylsa, ony qyl­qyndyrǵan Derek Shovın esimdi polıseı tutqyn­dalǵan. Oǵan kúsh qoldanyp, biraq qastandyqsyz adam óltirdi degen aıyp taǵylyp otyr.

Floıdtyń óliminen keıin AQSh-tyń kóptegen qalasynda áleýmettik teńsizdik pen násilshildikke qarsy jappaı narazylyq sherýleri bastalǵan-dy. Birneshe qalada mıtın sońy tár­­tipsizdikke ulasqan. Narazylyq bil­dirýshiler kóshelerde ot jaǵyp, ar­naıy jasaq qyzmetkerlerine tas laqtyrǵan. Narazylyq aksııalaryna baılanys­ty Mınneapolıs, Vashıngton, Los-Andjeles, Maıamı, Portlend, San-Fransısko, Chıkago, Atlant, Indıanapolıs, Fıladelfııa sekildi birqatar qalada kommendanttyq saǵat engizildi. Sondaı-aq AQSh-tyń ulttyq gvardııasy tártipti saqtaýǵa bes myń sarbazdy jumyldyrǵan. Olar Vashıngton qalasy men 15 shtatty óz qaraýyna alǵan.

 

Sońǵy jańalyqtar

Mobıldik toptar jumysy júıeli

Aımaqtar • Búgin, 15:28

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar