Aımaqtar • 02 Maýsym, 2020

О́skemende áskerılerdiń otbasyna arnalǵan saıabaq ashyldy

16 ret kórsetildi

Saıabaqtyń kire berisine áskerı qyzmetshi otbasynyń músini qoıylǵan.

Halyqaralyq balalardy qorǵaý kúnine oraı keshe О́skemen garnızonynyń áskerı qalashyǵynda Áskerı qyzmetshilerdiń otbasyna arnalǵan saıabaq ashyldy.

k

Saıabaqtyń kire berisine áskerı qyzmetshi otbasynyń músini qoıylǵan, saıabaq ishi abattandyrylyp, gúl kóshetteri otyrǵyzylypty. Shara aıasynda О́skemen garnızonynyń basshylyǵy sanıtarlyq-epıdemıologııalyq talaptardy saqtaı otyra Jańa Ahmer qalashyǵyndaǵy áskerılerdiń jáne múmkindigi shekteýli balalar tárbıelep otyrǵan otbasylarynyń balalaryn quttyqtap, shoý-baǵdarlama ázirlep, ertegi keıipkelerin shaqyryp, balǵyndarǵa erekshe merekelik kóńil kúı syılady.

a

«Áskerıler balalarǵa sporttyq jabdyqtar men táttilerdi syıǵa tartty. 25 mamyr men 1 maýsym aralyǵynda áskerı qyzmetshilerdiń balalary arasynda «Men elimniń baqytty balasymyn» atty baıqaý ótkizilgen bolatyn. Sol baıqaýdyń qorytyndysy shyǵarylyp, jeńimpazdar garnızon basshysynyń gramotalarymen marapattaldy. Áskerı qyzmetshiler qalashyq aýmaǵyn tazartýǵa jáne abattandyrýǵa, oıyn alańyn jańartýǵa únemi kómek kórsetip turady. Ár mereke saıyn balalarǵa ekskýrsııalar men konsertter, sonymen qatar sporttyq is-sharalar uıymdastyrylady. Bunyń bári jaqsy dástúrge aınalyp, jyldan jylǵa jalǵasýda» deıdi О́skemen garnızony baspasóz qyzmetiniń jetekshisi, kapıtan Nurjan Malgajdarov.

 О́SKEMEN

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar