Qazaqstan • 02 Maýsym, 2020

Qazaqstanda jol sapasy qashan jaqsarady?

49 ret kórsetildi

2026 jylǵa qaraı respýblıkalyq mańyzy bar barlyq joldar jaqsy jáne qanaǵattanarlyq jaǵdaıda bolady. Bul týraly Indýstrııa jáne ınfraqurylymdy damytý mınıstri Beıbit Atamqulov búgingi halyqqa esep berý kezdesýinde málimdedi.

«Kelesi 6 jyl ishinde biz 10 myń shaqyrym joldy (onyń ishinde 3,8 myń km ótpeli jobany) salý jáne qaıta qurý, sondaı-aq respýblıkalyq jelidegi 11 myń shaqyrym avtomobıl joldaryn kúrdeli jáne ortasha jóndeýdi josparlap otyrmyz»,- dedi mınıstr.

Sonymen qatar, Atamqulov mınıstrlik aldynda úlken mindetter turǵanyn atap ótti: respýblıkalyq jáne respýblıkalyq mańyzy bar avtomobıl joldarynyń úlesin 100% -ǵa jetkizý, I jáne II tehnıkalyq sanattaǵy avtomobıl joldarynyń uzyndyǵyn 60% deıin, aqyly joldardyń úlesin 45% deıin, jol boıyndaǵy qyzmet kórsetý obektilerin 100% qamtý josparlanǵan.

«Biz temirjol tranzıtin 49% -ǵa, ıaǵnı 18 den 26,9 mln tonnaǵa deıin arttyrýdy josparlap otyrmyz. Biz konteıner tranzıtin 2 esege arttyryp, 2025 jyly 1,6 mıllıon konteınerge jetkizemiz. Jolaýshylar tasymaly jylyna 8,1-den 11 mln adamǵa deıin (35% -ǵa) artady», -  dedi ol.

Mınıstrdiń aıtýynsha, josparlanǵan jobalardy iske asyrý 550 myń jumys ornyn qurýǵa múmkindik beredi. Nátıjesinde kólik salasyndaǵy eńbek ónimdiligi 20 paıyzǵa artyp, ınvestısııalar 3 esege artady.

Sońǵy jańalyqtar

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar