Aımaqtar • 02 Maýsym, 2020

Shymkenttegi jańa qurylǵan agro-ındýstrıaldy aımaqta 6 joba júzege asyrylady

11 ret kórsetildi

Jospar boıynsha ekonomıkalyq aımaqta jańadan 500-den astam jumys orny qurylady dep josparlanýda. Sonymen qatar, qurylys barysynda 300-ge jýyq adam jumyspen qamtylmaq. Bul týraly búgin qala ákimi M.Áıtenovtiń tóraǵalyq etýimen ótken jıynda aýyl sharýashylyǵy jáne veterınarııa basqarmasynyń basshysy A.Qanybekov málimdedi.

Aýyl sharýashylyǵy baǵytyndaǵy atalǵan aımaqtaǵy jobalardy sátti júzege asyrý maqsatynda eki kezeńdi qamtıtyn jol kartasy daıyndalǵan.

«Jol kartaǵa sáıkes birinshi kezeńde agroındýstrıaldyq aımaqta 30 ga ónerkásiptik jylyjaı keshenin salýshy ınvestorlarǵa jer úılestirýge qajetti qujattary jınaqtaldy. О́z kezeginde, jeke ınvestorlar jylyjaı keshenin salý jobalaryn 2020-2022 jyldar aralyǵynda júzege asyrý kózdelýde. Al ekinshi kezeńniń jobalary 2025 jylǵa deıin júzege asyrylatyn bolady»,-dedi basqarma basshysy.

Osy rette, qala basshysy agro-ındýstrıaldy aımaqty damytý arqyly qalanyń azyq-túlik qaýipsizdigin qamtamasyz etip, aýyl sharýashylyq ónimderiniń ımporttalýyn azaıtý qajet ekenin aıtty.

«Agro-ındýstrıaldy aımaqtardy qurýdaǵy basty maqsat – qalamyzdyń ınvestısııalyq múmkindigin arttyryp, aýyl sharýashylyǵy salasynda ınvestorlarǵa qolaıly jaǵdaı jasaý. Jobada aýyl sharýashylyǵy salasyn damytyp, agrarlyq sektordy ekonomıkanyń qozǵaýshy kúshine aınaldyrý kózdelip otyr, sondyqtanda tıisti uıymdastyrý jumystaryna qarqyn berý kerek»,-dedi M.Áıtenov.

Agro-ındýstrıaldy aımaqtyń negizgi artyqshylyqtary: ınjenerlik-kommýnıkasııalyq ınfraqurylymdy sharýalarǵa tegin jetkizý, kásipkerlerge sýbsıdııa alýǵa qoldaý kórsetý, ónimdi tasymaldaý men saqtaýdy utymdy uıymdastyrý. Al jalpy ınvestısııa quny 5,5mlrd teńgeni quraıdy.

 

Shymkent

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar