Qazaqstan • 02 Maýsym, 2020

10 myńǵa jýyq otbasy áleýmettik nesıelik turǵyn úı satyp aldy

15 ret kórsetildi

Sońǵy 3 jylda «Nurly jer» memlekettik baǵdarlamasy aıasynda 36,8 mln sharshy metr turǵyn úı nemese 330 myńnan astam turǵyn úı salynǵan. Bul týraly Ortalyq kommýnıkasııalar qyzmetinde ótken Indýstrııa jáne ınfraqurylymdyq damý mınıstri Beıbit Atamqulov halyq aldyndaǵy esep berý kezdesýinde aıtyldy.

«О́tken jyly 13,1 mln sharshy metr jańa turǵyn úı salyndy. 116 myń otbasy turǵyn úı jaǵdaıyn jaqsartty. Áleýmettik osal jaǵdaıdaǵy 11 myń otbasy jáne megapolıs-qalalarda áleýmettik jalǵa beriletin turǵyn úımen jumys isteıtin 3 myń jas qamtamasyz etildi. 10 myńǵa jýyq otbasy qoljetimdi baǵamen áleýmettik nesıelik turǵyn úı satyp aldy. 5 myń otbasy «Baqytty otbasy» baǵdarlamasynyń sharttary boıynsha turǵyn úı ala aldy. Bul «kóp balaly», «tolyq emes otbasylar» jáne «múgedek balalary bar otbasylar». Bıyl 15 mln sharshy metr turǵyn úı salý jáne 39 myńnan astam otbasyn memlekettik qoldaýmen qamtý josparlanýda», - dedi mınıstr.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar