Qazaqstan • 03 Maýsym, 2020

Týrızm damysyn desek...

18 ret kórsetildi

Týrızm salasyn jolǵa qoıa bilgen elderdiń úlgisinde atalǵan sektor men memlekettiń judyryqtaı jumylyp jumys istegenin kórýge bolady. Eń bastysy týrızm salasyndaǵy kásipkerlik pen memlekettiń qolǵa alǵan jobalary biriniń jyrtyǵyn biri jamaýǵa daıyn. «Han Táńiri» halyqaralyq alpınıstik lagerdiń atqarýshy dırektory Dáýren Ýalıev bizdegi ishki týrızm salasynda memleket pen bıznes arasynda áli kúnge deıin dıalog ornatylmaǵanyn aıtady.

̶  Bizde týrızm salasy IJО́-niń 8% -yn quraýy tıis degen meje bar. Oǵan jetý úshin naqty Úkimet tarapynan is-sharalar jospary qabyldanýy tıis. Kóptegen problemalardy ózimiz sheshemiz, biraq tek Úkimettiń ǵana quziretine jatatyn vızalyq rejım, kóshi-qon rejimi, marketıng, kórshiles eldermen ýaǵdalastyq syndy máseleler bar. Bizde memlekettik organdardyń bıznespen júıeli jumysy retke kelmegen. Barlyq JShS men JK daıyndaǵan usynystar jaı ǵana basyp shyǵarylady da keıin odan strategııa jasap shyǵarady. Bul tek jınalǵan usynystardyń jıyndyǵy ǵana. Onyń ishinde mańyzdysy qaısy, neni alyp, neni almaý kerektigine mán berilmeıdi. Túrkııada sezon ýaqyty bastalar aldynda, sosyn aıaqtalǵan soń kásipkerler men memlekettik organdar bas qosyp, túıitkildi máselelerdi talqylaıdy. Bul basqosýda ortaq júıe qalyptasyp, barlyq múmkindikter eki taraptan ortaǵa salynady, ̶  deıdi «Han Táńiri» halyqaralyq alpınıstik lagerdiń atqarýshy dırektory.

Memlekettiń týrızmdi qoldaý sharalarynyń ishinde qoǵamdyq tamaqtaný, qonaq úı jáne týrıstik qyzmet salasynyń qyzmetkerleri múlikke salynatyn salyqtardan bosatylyp otyr. Buǵan qosa, shaǵyn jáne orta kásipkerlik ókilderi úshin barlyq salyqtar men bıýdjetke tólenetin basqa da mindetti tólemder, sondaı-aq áleýmettik tólemder boıynsha 2020 jyldyń 1 maýsymyna deıin tóleý merzimin uzartý usynyldy. Sonymen qatar, «Bıznestiń jol kartasy – 2025» jáne «qarapaıym zattardyń ekonomıkasy» baǵdarlamalary boıynsha nesıe alýdyń paıyzdyń mólsherlemesi 6% - dy quraıdy. Memlekettik baǵdarlamalar tıimdi usynystar usynǵanymen qazirgi jaǵdaıda týrızm salasyna bankter tarapynan senim azaıǵan. SkyWay Travel dırektory Ásem Qozbaǵarova pandemııa saldarynan kóptegen týrıstik kompanııalardyń jappaı jabylyp jatqanyn, jańadan kásip ashýǵa nıet bildirgenderge bankter senim artpaıtynyn aıtady.

 

Sońǵy jańalyqtar

Bıyl úlken astyqqa oraq erte tústi

Aımaqtar • Búgin, 18:05

KASE-niń jańa mindetteri aıqyndaldy

Ekonomıka • Búgin, 15:25

Ury alysqa uzamady

Aımaqtar • Búgin, 14:46

Dollardyń búgingi baǵamy belgili boldy

Ekonomıka • Búgin, 11:40

Uqsas jańalyqtar