Aımaqtar • 03 Maýsym, 2020

Nur-Sultanda Memlekettik rámizder kúnine arnalǵan chellendj ótedi

22 ret kórsetildi

Elorda turǵyndary Qazaqstan Respýblıkasynyń Memlekettik Ánuranyn oryndaıdy, dep habarlaıdy elorda ákimdiginiń resmı saıty.

Erteń saǵat 10:00-de el astanasynda Memlekettik rámizder kúnine arnalǵan chellendj ótedi. Azamattar eldiń basty ánuranyn aıtyp, bir-birine joldaıdy.

MenińTýym #MemlekettikRámizder #BizBirgemiz #MenińElimQazaqstan heshtegterin qoldana otyryp, vıdeolar azamattardyń jeke paraqshalarynda, sondaı-aq áleýmettik jelilerdegi memlekettik jáne vedomstvolyq baǵynysty mekemelerdiń paraqshalarynda jarııalanady.

Beınerolıkter patrıottyq sezimdi, elorda turǵyndarynyń birligin nyǵaıtýǵa arnalǵan jáne memlekettik rámizderge qurmet kórsetýdiń kórinisi. Sharaǵa elorda turǵyndarynyń barlyǵy ún qosa alady. Aksııa Nur-Sultan qalasynyń ákimdigi bastamasymen ótedi.

Sondaı-aq «Astana jastary» KMM 4 maýsym kúni qala kóshelerimen 20 avtomobıl men 10 motosıkl qatysatyn mıtıng ótkizýdi josparlap otyr.

Sonymen qatar, 1 maýsymnan qoǵamdyq kólikterde memlekettik rámizder týraly beınematerıal taratyla bastady. Iri saýda oryndary: «Evrazııa», «Astanalyq bazar», «Arýjan», «Jannýr», «Gúljan» saýda ortalyqtarynda habarlandyrý jarııalanǵan.

4 maýsym – Qazaqstan Respýblıkasynyń Memlekettik rámizderi kúni. Memlekettik rámizder – búkil álemde eldiń táýelsizdigin, halyqtyń patrıotızmin, batyrlyǵy men danalyǵyn, jarqyn bolashaqqa umtylysynyń, memleketimizdiń ótkeni, búgini men bolashaǵy arasyndaǵy sabaqtastyqtyń beınesi. Osy merekeni atap ótý jáne memlekettik rámizderge degen qurmetti arttyrý maqsatynda Nur-Sultan qalasynda birqatar is-sharalar ótkiziledi.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar