Aımaqtar • 03 Maýsym, 2020

Shymkentte týrısterge arnalǵan 6 aqparattyq dúńgirshek ashyldy

11 ret kórsetildi

Shymkent qalasynda otandyq jáne sheteldik týrısterge úsh tilde qyzmet kórsetetin týrısterge arnalǵan aqparattyq dúńgirshekter ashyldy. 

Ǵımarattar «Arbat» jaıaý júrginshiler aımaǵy men «Táýelsizdik» jáne  «Abaı» saıabaqtarynda, «Naýryz alańy» men áýejaıda jáne temir jol vokzalynda ornalasqan.

Týrıstik dúńgirshek qyzmetkerleri kelýshilerge megapolıstiń týrıstik áleýeti týraly kásibı keńes bere otyryp, qalamyzdyń kórikti jerleri men mádenı oqıǵalary týraly,  týrıstik marshrýttary jáne mádenı-buqaralyq is-sharalardyń anonstary týraly tolyq aqparatty bir tereze prınsıpi boıynsha usynady. Aıta ketetin jaıt, ortalyqtaǵy barlyq aqparattyq qyzmet túrleri tegin kórsetiledi. 

Budan bólek, dúńgirshek tarapynan turǵyndar men qonaqtarǵa aldyn-ala jazylý boıynsha (10 adamnan artyq emes) tegin ekskýrsııalyq qyzmet (18.00 men 20.00 aralyǵynda) kórsetiletin bolady. 

Týrızm basqarmasynyń málimetinshe, búgingi tańda qalada týrıstik marshrýttar tolyǵymen daıyndalǵan. Bolashaqta ár-túrli týrıstik baǵyttaǵy marshrýttar ázirlenip, jetildirý boıynsha aýqymdy jumystar júrgizilmek.

«Aldaǵy ýaqytta dúńgirshekterimizden kez kelgen adam qala aýmaǵyndaǵy barlyq qonaqúıler men meıramhanalar, qoljetimdi emdeý ortalyqtary, ondaǵy baǵalar men qyzmet túrlerimen qosa, basqada aqparattar jaıly tolyq málimet ala alady»,-deıdi basqarma mamany.

Týrısttik dúńgirshek kelýshilerge dúısenbi-juma kúnderi, saǵat 09.00 den-19.00-ge deıin qyzmet kórsetedi.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar