Qoǵam • 03 Maýsym, 2020

Boıaý pernesinen tógilgen perishte shyryl

6 ret kórsetildi

«Janýarlar – meniń dostarym» respýblıkalyq baıqaýyna elimizdiń túkpir-túkpirinen úsh myńnan astam ótinish kelip túsken. Jas talanttar sýret salyp qana qoımaı, súıikti janýary týraly esse-jazbalaryn, beınematerıaldaryn qosa tapsyryp, úlkenderdi janýarlarǵa qamqorlyq kórsetýge, meıirimdilik tanytýǵa jáne olardy jaqsy kórýge shaqyrǵan. 

Sýretterde: Balǵyndardyń baıqaýǵa joldaǵan sýretteri

Sáýirdiń 1-nen bastaý alǵan baıqaý maýsymnyń sońyna deıin jalǵasyn tappaq. Báıgege qatysýshy balalardyń biri úıindegi súıikti janýaryn fotoǵa túsirse, endi bireýleri synyp bolyp ótinish jibergen. Baıqaý sharty boıynsha beınematerıal túsirý mindetti emes, soǵan qaramastan qııalyna erik bergen kishkentaılar jer betindegi búkil tirshilik ıelerin kóz qarashyǵyndaı qorǵaý kerektigin shyryldap turyp jetkizgen. Esseler ishinde ańshylyqty synǵa alǵandary da bar. Bir sózben aıtqanda, jas urpaq tiri janǵa qııanat jasaýǵa bolmaıdy dep dabyl qaǵady.

– Úp-úlken jáne estııar adamdar kishkentaı ǵana álsiz tórt aıaqtylardy qalaısha qańǵytyp jiberetini meniń mıyma syımaıdy, – dep jazypty essesinde saryózektik oqýshy Aqjan Qaıyrbekqyzy.

1

–Tym bolmasa olardy ıesi joq janýarlarǵa arnalǵan ortalyqqa ótkizýge bolady ǵoı. Adamgershiligimizdi joǵaltpaı, úı janýary men jer betindegi búkil haıýanattardy qorǵaıyqshy. Jáne ótinerim, úısiz qalǵan janýardyń jyly uıa, súıikti qojaıyn tabýyna kómekteseıik, – dese, on úsh jasar Gúlsezim Zákir esimdi nur-sultandyq búldirshin «Janýarlardy qorǵaımyz!» taqyrybyna sýret joldaı otyryp: «Men bul sýretimde álemde bolyp jatqan ózekti máseleniń birin qozǵap otyrmyn. Janýarlardy qorlaý – úlken qylmys. Sebebi janýarlar – bizdiń ómirimizdiń aırylmastaı bir bólshegi. Adamdardyń salǵyrttyǵynan tórt aıaqty dostarymyz jer betinen joıylyp bara jatyr. Bunyń bári adamzatqa qatty soqqy bolyp oralýda. О́zimshildigimizdiń kesirinen eshqandaı kúnási joq janýarlar joıylyp qana qoımaı, tabıǵat-ana da túrli apatty bastan keshýde. Sondyqtan tabıǵattyń ózi – baǵa jetpes baılyǵymyz. Muny kóz qarashyǵyndaı qorǵaıyq!» dep janaıǵaıyn jetkizgen.

Baıqaý el Prezıdenti qamqorlyǵymen, BUU qorshaǵan ortany qorǵaý baǵdarlamasynyń Dúnıejúzilik qorshaǵan ortany qorǵaý kúni aıasynda, Bilim jáne ǵylym mınıstrligi, Mádenıet jáne sport mınıstrliginiń qoldaýymen, «Balalar  Álemdi Beıneleıdi» Qoǵamdyq Qory, bas seriktes «Edu Stream» kompanııasy men «Nastoıashıı Býratıno» seriktestigi qatysýymen ótip jatyr. Respýblıkalyq baıqaýdyń bas demeýshisi – «Edu Stream» oqý ortalyǵy.

Sońǵy jańalyqtar

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar