Pikir • 05 Maýsym, 2020

Osyndaı elim bar!

404 ret kórsetildi

Memleket basshysy Qasym-Jomart Toqaev Reseıdiń iri basy­lym­darynyń biri – «Komsomolskaıa pravda» gazetine bergen suhbatynda Qazaqstan hal­qy týraly da pikirin bildirgen bolatyn. Prezıdentimiz elimizde «az ult­tar» degen uǵym joq ekendigin, birtutas halyq beıbit kún keship jatqanyn ashyq aıtty. Rasymen, táýelsiz Qazaqstanda birligi jarasqan bir ǵana halyq ómir súredi.

Qazaqstan halqynyń birtutas­tyǵyn el basyna kún týǵanda azamat­tardyń birlesip, bir-birine qoldaýǵa daıyn turatynynan-aq baıqaýǵa bolady. Azamattarymyz qıyn sátte bir-birine kómek qolyn sozýǵa árdaıym ázir. Máselen, jaqynda Túrkistan oblysy Maqtaaral aýdanyndaǵy eldi mekenderdi sý basýyna baılanysty aımaqta jedel shtab qurylyp, ile-shala otbasylar evakýasııalanyp, azyq-túlik taratylǵany belgili. Osyn­daı qıyn-qystaý sátte memleket tarapynan ǵana emes, halyq tarapynan qolǵa alynǵan sharalardy erek­she aıtqym keledi. Halqymyz Maqta­araldaǵy jaǵdaıda da birlesip, basqa túsken taýqymetti birge kó­terdi. Bul iske Qazaqstan halqy Assam­bleıasynyń da úles qosyp, basy-qa­synda júrgeni qýantarlyq jaıt. Etnomádenı ortalyqtardyń bas­ta­masymen 180-nen astam júk ma­­shınasy gýmanıtarlyq kómek jet­kizdi. Qaıyrymdylyq – Assam­bleıa­nyń bas­ty nazarda us­taı­tyn baǵyt­tarynyń biri. Sondyq­tan irge­li uıym muqtaj jandar men japa shek­ken­derge kómek qolyn sozýǵa qashan­da daıyn.

Etnomádenı birlestik volon­ter­leri Qordaı aýdanyna 10 tonnadan as­tam gýmanıtarlyq kómek jetkizýge atsalysty. Al Arystaǵy qoıma jarylysy kezinde 51 mln 331 myń teńge kóleminde qarjy jınap, arystyq aǵaıynǵa tabystady.

Assambleıalyqtar «Biz birgemiz» aksııasyna da óz úlesin qosty. Pan­demııaǵa baılanysty tótenshe jaǵdaı kezinde Assambleıa músheleri kóp balaly otbasylarǵa turaqty túrde kómek­tesip otyrdy. Halqymyz járdemdi jyly júrekpen, asqan rızashylyqpen qabyldady. Bizdiń elde qıyn jaǵdaıǵa tap bolǵan kez kelgen azamat qaı ult ókilinen bolsyn qoldaý tabatyny anyq. Bul Qazaqstanda birtutas halyq ómir súretinin kórsetedi.

Qazaqstandy Otanym dep sanaıtyn ózge ult ókilderi bul topyraqtyń negizgi halqynan meıirbandyq, aqjúrektik sııaqty asyl qasıetterdi úırendi. Dál osy atalǵan qasıetter olardy ótken ǵasyrdaǵy qıyn-qystaý zamannan aman alyp qalǵan edi. Osylaısha qazaq topyraǵyna taban tiregen jurt búginde táýelsiz eldiń birtutas halqyna aınaldy.

Qazaqstandyqtar ózderiniń bo­ıynda jaqsy qasıetterdi saqtaı aldy. Sol eńbeginiń jemisin búgin kórip otyr. Qazir túrli etnos ókil­deri ózderin dıaspora retinde qaras­tyrmaıdy jáne ózderine qatysty ondaı kózqarasty sezinbeıdi de. Qazaq­standa turatyn kez kelgen azamat ózin birtutas ulttyń bóligi retinde kóredi.

Bizdi álemniń qaı jerine barsaq ta qazaqstandyq, qazaq bolyp qar­sy alady. Biz osy topyraqta dúnıe­ge keldik, osy jerde ósip-ónip, urpa­ǵymyzdy tár­bıelep jatyrmyz. Qu­daı qalasa, aldaǵy ýaqytta da birtu­tas halyq retin­de elimizdi kórkeıte beretin bolamyz.

 

Sherzod PÝLATOV,

Qazaqstan halqy Assambleıasy Tóraǵasynyń orynbasary

Sońǵy jańalyqtar

Indetpen kúres jalǵasa beredi

Qoǵam • Búgin, 11:54

Atyraýǵa 470 túrli dári-dármek keldi

Aımaqtar • Búgin, 11:23

Búgin – Jalpyulttyq aza tutý kúni

Vıdeo • Búgin, 10:59

COVID-19-dan barlyǵy 375 adam qaıtys boldy

Koronavırýs • Búgin, 08:54

Shırek fınaldyń jerebesi tartyldy

Fýtbol • Búgin, 07:42

Alǵashqy qadam sátsiz bastaldy

Sport • Búgin, 07:38

Jaýapkershilik tanytaıyq

Pikir • Búgin, 07:35

Ekologııalyq bilim berý mańyzdy

Pikir • Búgin, 07:33

Tabıǵatty aıalaýǵa úıreteıik

Ekologııa • Búgin, 07:30

Otandyq óndiris kólemi artady

Medısına • Búgin, 07:19

Atyraýǵa jedel járdem kerek

Aımaqtar • Búgin, 07:13

«Bireýdiń kisisi ólse, qaraly ol»

Qoǵam • Búgin, 07:05

Jańa pán engizýdi quptaımyn

Pikir • Búgin, 07:05

Jahandyq IJО́ 5,5 paıyzǵa tómendeıdi

Ekonomıka • Búgin, 06:55

Qarǵa adym jer muń bolǵan...

Qoǵam • Búgin, 06:40

Aınalma jol azaptan qutqarady

Qoǵam • Búgin, 06:37

Aııa Sofııada azan shaqyrylady

Rýhanııat • Búgin, 06:35

Jahan koronavırýs qursaýynda

Álem • Búgin, 06:30

9 oıynshymen kelisimshartyn uzartty

Sport • Búgin, 06:30

Úkimet Atyraý oblysyna kómektesedi

Prezıdent • Búgin, 06:29

Uqsas jańalyqtar