Aımaqtar • 06 Maýsym, 2020

Kásipodaqtar Federasııasynyń basshysy kásiporyndaǵy jaǵdaımen tanysty

11 ret kórsetildi

Qazaqstan Respýblıkasy Kásipodaqtar federasııasynyń tóraǵasy Satybaldy Dáýletalın «Qazaqstan Paramount Engineering» JShS-de bolyp, jumys oryndaryn kórip, kásiporyn jumysshylarymen sóılesip, ujymdyq shartpen (jumys berýshiniń áleýmettik mindettemelerin oryndaý), sondaı-aq óndiris prosesindegi qaýipsizdik (jumysshylardyJQQ qamtamasyz etý) jáne eńbekti qorǵaý sharalarymen tanysty.

«Qazaqstan Paramaýnt Injınırıng» JShS (KPI JShS) -  memleket pen arnaıy kúshterdiń qorǵanys qabiletin qamtamasyz etýge arnalǵan zamanaýı brondy dógelekti mashına (budan ári - BDM) shyǵaratyn Ortalyq Azııadaǵy eń iri kásiporyn.  Zaýyt jyl saıyn 120 vagon shyǵarady. «KPI» JShS bas dırektory Erbol Sálimovtiń aıtýynsha, jumysshylardyń jalpy sany 250 adam, olardyń barlyǵy kásipodaq uıymynyń músheleri.

QRKF tóraǵasy issapardyń maqsaty týraly aıta kele, sáýir aıynyń sońynan bastap júzdegen qazaqstandyq kásiporyndar qalypty óndiris prosesine oraldy jáne osyǵan baılanysty áleýmettik áriptester aldynda jumysshylardy qaýipsiz eńbek jaǵdaılarymen qamtamasyz etý boıynsha jaýapty mindetter turǵanyn atap ótti.

«Pandemııa qaýipsizdik - óndiristiń qalypty jumysynyń negizgi faktorlarynyń biri ekendigin kórsetti. Búgingi tańda jumys berýshiler men jumysshylardyń birlese áreket etýi mańyzdy. Jumys berýshiler men jumysshylardyń ózderi de jumys ornyna aýrýdan aman-esen oralýdy qamtamasyz etýde basty ról oınap, koronavırýstyq ınfeksııanyń taralýyn toqtatýda qol jetkizilgen nátıjelerdi kúsheıtýleri qajet.   Qaýipsiz eńbek jaǵdaılary qamtamasyz etilmegen jerde adam densaýlyǵyna jáne bıznestiń turaqtylyǵyna qaýip tónedi», - dedi QRKF tóraǵasy.

«KPI» JShS bas dırektory Erbol Sálimov kásiporyndaǵy áleýmettik jáne eńbek qatynastary týraly aıta otyryp, Qazaqstanda eki aıǵa sozylǵan tótenshe jaǵdaı kezinde zaýyt ujymy tolyqtaı 100% jalaqysy saqtalatyn demalysqa jiberilgenin atap ótti.

«Kásiporyn qaıta iske qosylǵannan keıin biz ujymdyq kelisim boıynsha barlyq sehtardyń jumysshylaryna kúnine úsh ret tegin tamaq berýdi jalǵastyrdyq. Barlyq sanıtarlyq normalar saqtalǵan.  Atap aıtqanda, kireberistegi dezınfeksııalaý týnnelinen bastap, mindetti túrde medısınalyq ortalyqqa barý jáne medısınalyq maska men  qolǵap  alý,  óndiristik proses barysynda áleýmettik qashyqtyqty saqtaý jáne barlyq jerde sanıtarlyq tazartqyshtar ornatylǵan.  Mashınalardy qaıta óńdeý jáne dezınfeksııalaý jumystary da arnaıy keste boıynsha júrgizilýde», - dedi Erbol Sálimov.

Sońǵy jańalyqtar

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar