Rýhanııat • 30 Maýsym, 2020

Meıirimdi bolsańyz, meıirimge bólenesiz

180 ret kórsetildi

Kórshim Aqyq muǵalim aıtqan myna bir jaıt jıi esime túsedi.

– Adamnyń aty-jóninde mán bar degen osy eken. Adambek degen oqýshym kóp balaly úıden, az qamtamasyz etilgen otbasynan bolǵan soń mektep oǵan kómektesip turatyn. Meniń synybymda sondaı 3-4 oqýshy bar edi. Bir kúni Adambektiń anasy kelip tur, – dedi Aqyq. – Úkimet berip jatqan 42 500 teńgeni kútip júrip, men de aldym. Sómkemde tur, ala ǵoı óziń. Sizdiń synyptaǵy balalarǵa da buıyrdy, ıgilikti bolsyn! Men artyq sóılep qoıyppyn, keshirińiz.

 

– Qalaısha, túsinbedim, balalarǵa buıyrǵany qalaı? – dep suraıdy muǵalim.

Sóıtse, aıaqkıim alýǵa aqsha sura­ǵan Adambek 42 500 teńgeniń 20 myń teńgesine ózine jáne synyptas dostary Aýjar men Ánesbekke de aıaqkıim men balmuzdaq alyp beripti.

– Bizdiń úıde 4 bala, al olardyń úı­lerinde 6-7 baladan bar, aqshalary jetpeı tur krossovka alýǵa. Jalǵyz ózim kıip, dos­tarym­dy qyzyqtyryp, júrekterin aýyrt­qym kelgen joq. Mama, nege maǵan ren­jısiz? Osy 42 500 teńgeni únemi alyp júr­gen joqpyz ǵoı. Bir ret qana berildi. Olar­­ǵa da kómek bolsyn. Mama, men son­da jamandyq jasadym ba? – depti al­ǵa­­shynda qatty renjip qalǵan anasyna.

Osyndaıda dúken satýshysynyń aıtqany da esime tústi. Keshkilik ýa­qyt­ta azyq-túlik, kókónis satatyn dúk­enimizge bir jas jigit júgirip kirdi.

– Apaılar, 800 teńge taýyp beri­ńizdershi! Bar aqshamdy tartyp alyp, ózim­di soqqyǵa jyqqandary bireý­ler­diń. Aýylǵa qaıta almaı turmyn, kómek­tesińizdershi, – dedi entigip. Eki satý­shy bir-birimizge qaradyq. Jigittiń túsi shynymen de adam aıarlyqtaı. Bul bir emes, dál osy jigit sııaqty 20, 50, 100 teńge surap keletinder de jetedi. Araq ishe­tinderin bilesiń de, eshteńe joq dep qýyp jiberetinbiz. Bárimiz de bala ósirip otyr­myz ǵoı, janymyz ashyp, jigit­tiń suraǵan aqshasyn berip, shyǵaryp sal­dyq. Sodan, arada jarty jyldaı ýaqyt ótkende, bir kúni álgi jigit kelip tur. Eski tanystaı jón surasyp jatyrmyz:

– Apaılar, rahmet sizderge! Sol túni Semeı arqyly júretin avtobýs­pen aýylǵa jettim. Sheshem ýaıymdap, dalada kútip júr eken, – dep 800 teńgeni ákep tur. Qolynda anasynyń bizge berip jibergen qurt-irimshigi men maıy taǵy bar.

Iá, meıirimniń, jan jylýynyń, jana­shyrlyqtyń aınalamyzda júr­genine qýanasyń. Meıirimdi bolsańyz, meıirimge bólenesiz dep turǵandaı.

 

Pavlodar oblysy

 

Sońǵy jańalyqtar

Araq aýrýdan aıyqtyrmaıdy

Koronavırýs • 10 Shilde, 2020

Dáriger keńesin onlaın túrde alýǵa bolady

Koronavırýs • 10 Shilde, 2020

Pnevmonııaǵa basqa ataý berilýi múmkin

Koronavırýs • 10 Shilde, 2020

Qazir tek ómir men ólim bar - Bas sanıtar

Koronavırýs • 10 Shilde, 2020

Batysta "jasyryn esirtki zerthanasy" tabyldy

Aımaqtar • 10 Shilde, 2020

Koronavırýs indeti 3 kezeńnen turady

Koronavırýs • 10 Shilde, 2020

Uqsas jańalyqtar