Álem • 01 Shilde, 2020

Qazaqstannyń Sıngapýrdaǵy Elshisi Jańa Zelandııanyń General-gýbernatoryna senim gramotalaryn tapsyrdy

7 ret kórsetildi

2020 jylǵy 30 maýsymda Qazaqstan Respýblıkasynyń Sıngapýr, Jańa Zelandııada jáne Aýstralııa Odaǵyndaǵy Elshisi Arken Arystanov Jańa Zelandııanyń General-gýbernatory Petsı Reddıge senim gramotalaryn tapsyrdy.

Rásim onlaın formatynda eki el tarıhynda alǵashqy ret ótkizildi. Suhbat barysynda Qazaqstan Elshisi Petsı Reddı men Jańa Zelandııanyń halqyna Qazaqstan Respýblıkasynyń Prezıdenti Qasym-Jomart Toqaevtyń atynan izgi tilekterin jetkizdi.

A.Arystanov bıyl Qazaqstan men Jańa Zelandııa dıplomatııalyq qarym-qatynastarǵa 28 jyl tolǵandyǵyn atap ótti. Eki el arasyndaǵy qarym-qatynastar ortaq múddelerge negizdelgen jáne odan ári keńeıtý úshin aıtarlyqtaı áleýetti kórsetedi. Qazaqstan saýda-ekonomıkalyq yntymaqtastyqty, sondaı-aq adamdar arasyndaǵy baılanystardy jandandyrýǵa tyrysady. Memlekettik sektordy reformalaý, tıimdi ekonomıkalyq basqarý jáne Jańa Zelandııadaǵy adamı kapıtalyn damytý Qazaqstan úkimeti úshin erekshe qyzyǵýshylyq týdyrady. Klımatty qorǵaý, jańartylatyn energııa, aýyl sharýashylyǵy jáne tehnologııalar transferti sııaqty salalardaǵy odan ári yntymaqtastyqtyń da áleýeti zor.

О́z kezeginde Petsı Reddı Qazaqstandy aýqymdy saıası jáne ekonomıkalyq jetistikterimen quttyqtap, eki el arasyndaǵy qatynastardyń dostyq jáne syndarly sıpatyn atap ótti. General-gýbernator óz sózinde saýda-ekonomıkalyq jáne ınvestısııalyq seriktestikti keńeıtýge, sondaı-aq kópjaqty trektegi yntymaqtastyqty tereńdetýge ózara qyzyǵýshylyqty basa aıtty. P. Reddı pandemııanyń jaqyn arada aıaqtalýyna úmitin bildirdi jáne Qazaqstan Elshisin 2021 jylǵy 6 aqpanda ótkiziletin eldiń Ulttyq kúnin atap ótý úshin Jańa Zelandııaǵa shaqyrdy.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

Uqsas jańalyqtar