Aımaqtar • 02 Shilde, 2020

Jezqazǵanda KVI-den kóz jumǵandar sany segiz adamǵa jetti

10 ret kórsetildi

Jezqazǵan qalasynda koronavırýs ıneksııasynan qaıtys bolǵandardyń sany segiz adamǵa jetti, dep habarlaıdy Egemen.kz qalalyq  taýarlar men kórsetiletin qyzmetterdiń sapasy men qaýipsizdigin baqylaý basqarmasynyń málimetine silteme jasap.

Marqumdardyń basym bóligi egde jastaǵy adamdar.  Olardyń ishindegi eń jasy 54 jastaǵy medısına qyzmetkeri eken.

Jalpy, Jezqazǵan qalasy boıynsha 613 adamnyń COVID-19 indetin juqtyrǵany zerthanalyq taldaý negizinde rastalǵan. Búgingi kúnde jergilikti aýrýhanalarda 341 pasıent em-dom alyp jatyr. Olardyń 69-y Sátbaev qalasyndaǵy provızorlyq bólimshege, 70-i Sátbaev qalasyndaǵy medısınalyq-sanıtarlyq bólimsheniń ınfeksııalyq stasıonaryna, 32-i ınfeksııalyq bólimshe boksyna, 170-i Jezqazǵan kópbeıindi aýrýhanasynyń provızorlyq bólimshesine ornalastyryldy. Al 545 adam úı karantınine oqshaýlandyrylǵan.

Sondaı-aq, buryn juqtyrǵandarmen baılanysty bolǵan 1112 adam anyqtaldy. Onyń 268-i "Jomart" kenishiniń jumysshylary bolyp shyqty.

Arnaıy qurylǵan mobıldik toptar Jezqazǵan qalasy  boıynsha 721 nysanǵa tekseris júrgizip, 25 obektiden karantın kezindegi qaýly talaptaryn buzýshylyq faktilerin anyqtady, dep habarlady qalalyq  taýarlar men kórsetiletin qyzmetterdiń sapasy men qaýipsizdigin baqylaý basqarmasy.

 

Qaraǵandy oblysy

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar