Aımaqtar • 02 Shilde, 2020

Shymkentte búginge deıin 3320 provızorly oryn ashyldy

39 ret kórsetildi

Shymkent qalasynda epıdemıologııalyq jaǵdaıdy retke keltirý maqsatynda aýqymdy jumystar atqarylýda. Qala ákimi M.Áıtenovtiń tapsyrmasymen shaharda búginge deıin barlyq medısınalyq qural-jabdyqtarmen qamtylǵan 3320 provızorly oryn ashyldy. Onyń ishinde rezervtik 450 oryndyq provızorly oryn 1 shilde kúni jeńil atletıkalyq sport kesheninen daıyndaldy. Oǵan qosa qalada 51 kúndizgi stasıonar ashyldy. Nátıjesinde, naýqastarǵa kómek kórsetý eki esege kúsheıdi. Osy oraıda qala basshysy aýrýhanalar men emhanalarǵa dári-dármektiń úzilissiz jetkizilýin de qadaǵalap otyr. Máselen, keshe qajetti oryndardy dárimen qamtý múmkindigin baǵamdaý maqsatynda dári-dármek shyǵaratyn óndiris orny men iri qoımalarǵa bardy, dep habarlaıdy egemen.kz.

Murat Dúısenbekuly, eń aldymen, "SANTO" dári-dármek zaýytyna taban tirep, óndiris sehtaryn aralady. Munda qala basshysy ınfeksııalyq eritindiler men ınfýzııalar, qatty peroraldi dárilik zattar (tabletkalar, sashe, túıirshikter), antıbıotık untaqtary, sterıldi emes eritindiler shyǵarylyp jatqanyna kóz jetkizdi. О́z kezeginde kompanııanyń óndiris jónindegi dırektory Svetlana Maıorskaıa qala ákimine táýlik boıy tórt aýysymda 830 qyzmetker jumys istep, ónimniń 70 paıyzy kóterme, 30 paıyzy bólshek baǵada satylyp otyrǵanyn aıtty. 

M.Áıtenov dári-dármek qorynyń múmkindigin baqylaý úshin qalamyzdaǵy eń iri "Aqnıet" jáne "Zerde" dárilik zattar qoımalaryna da bardy. Atalǵan qoımalardyń dırektorlary qaladaǵy júz shaqty dárihanaǵa eki mezgil dári jetkizilip otyrǵanyn alǵa tartty. Al dıstrıbıýterler qoımalarǵa kúnine eki-úsh kólik dári-dármek ákelinip jatqanyn tilge tıek etti. Osy rette qala basshysy dárilerdiń jetkizilýinde eshbir kedergi bolmaýyn tapsyrdy. Sondaı-aq, M.Dúısenbekuly jańadan salynǵan juqpaly aýrýlarǵa arnalǵan gospıtal men mektepterde daıyndalyp jatqan kúndizgi stasıonarlardyń jumysymen de tanysty.

Qazirgi tańda Shymkent qalasynda tórtinshi kategorııadaǵy vırýsqa qarsy dárilerge suranys joǵarylaǵan. Sol sebepti qoıma kompanııalary tapsyrystaryn 5 esege arttyrǵan. Osyǵan oraı "Zerde" dárilik zattar qoımasy 15 kólik, 5 vagon dári-dármek aldyrýda. "Zerde-Fıto" NPO JShS-niń dırektorynyń aıtýynsha, búginde qalada parasetamoldyń 50-ge tarta analogtik túri dárihanalarda bar. Kórshi aımaqtaǵy Jambyl, Qyzylorda jáne Túrkistan oblystarynan suranys kóptep túsip jatyr. Biraq, eń aldymen, Shymkent qalasyn tolyǵymen qamtyp bolǵan soń ǵana ózge óńirlerge jiberiledi eken.  

Osy rette Shymkent qalalyq Taýarlar men kórsetiletin qyzmetterdiń sapasy men qaýipsizdigin baqylaý departamenti dárihanalardaǵy 77 dáriniń túrine monıtorıng jasaǵanyn jetkizgimiz keledi. Nátıjesinde, qaladaǵy dárihanalarda dári-dármek qory jetkilikti ekeni anyqtaldy. Iаǵnı, ystyqty túsiretin dárilerdiń (parasetamol, efferalgan, panadol, nýrofen, ıbýprofen, nımesýlıd) qory 238 486 qorapty quraǵan. Onyń ishinde dárihana qoımalarynda – 115 389 qorap, dárihanalarda 123 097 qorap bar. Al vırýsqa qarsy dárilerdiń (ıngavırın, ergoferon, kagosel, arpeflıý) qory 38 187 jáne antıbıotıkterdiń sany (azıtromısın, seftrıakson, sefıksım, amoksısıllın, levofloksasın) 592 899 qorapty qurap otyr.

Aıta keteıik, Shymkent qalasynda halyqtyń densaýlyǵyn nyǵaıtý maqsatynda kúndizgi stasıonar qyzmetkerleri demalyssyz jumys isteýde. Al barlyq aýrýhanalar men emhanalarǵa dári-dármek úzilissiz jetkizilýde.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar