Qazaqstan • 02 Shilde, 2020

Qazaqstanda energııa óndirýshi uıymdardyń shekti tarıfteri túzetildi

12 ret kórsetildi

Qazaqstannyń 44 energııa óndirýshi uıymynyń 34 uıymynda tarıf ósti, 9 uıymda burynǵy deńgeıde saqtaldy, al bireýinde tómendetildi, dep habarlaıdy Egemen.kz. 

Elektr energııasyna shekti tarıfterdi qaıta qaraý shamamen 27 myń jumys ornyn saqtap qalýǵa múmkindik beredi. Bul týraly búgin, 30 maýsym kúni, Ortalyq Kommýnıkasııalar Qyzmetinde ótken brıfıngte QR EM Elektr energetıkasyn damytý departamentiniń dırektory Aıdos Dáribaev aıtty.

Dáribaev óz sózinde atap ótkendeı, 2020 jyly energııa óndirýshi uıymdarǵa baılanysty emes sebeptermen shyǵyndar ulǵaıdy (otyn satyp alý shyǵyndary, JEK satyp alý kólemi, bıýdjetke tólemder jáne júıelik operatordyń kórsetiletin qyzmetterin tóleý). Sonymen qatar, stansııalardyń tozý deńgeıi jyldan jylǵa artyp keledi jáne qazirgi ýaqytta shamamen 60%-dy quraıdy. Osyǵan baılanysty, elektrmen jabdyqtaýdyń sapasyna qaýip tónip tur.

Osyndaı jaǵdaı Qazaqstannyń tutynýshylaryn kórshi elderden elektr qýatyn retteý jónindegi kórsetiletin qyzmetti jylyna 8 mlrd. teńgeden astam somaǵa satyp alýǵa májbúrleıdi. Bul elektr energııasynyń túpkilikti baǵasyna áser etedi. Osyǵan baılanysty, Qazaqstannyń energııa óndirýshi uıymdary sáýir aıynda shekti tarıfterdi toptar boıynsha túzetýge ótinish berdi. Olardy qaraý kezinde Mınıstrlik árbir jaǵdaı boıynsha jeke tásildi qoldandy.

Qazaqstannyń 44 energııa óndirýshi uıymynyń 34 uıymynda tarıf ósti, 9 uıymda burynǵy deńgeıde saqtaldy, al bireýinde tómendetildi.

 - Mınıstrliktiń quzyretine uıymdarǵa shyǵyndar ulǵaıǵan kezde túzetýge ótinim berý quqyǵymen jeti jyldyq kezeńge energııa óndirýshi uıymdardyń elektr energııasyn óndirýge shekti tarıfterdi bekitý máseleleri kiredi. Halyq úshin shekti tarıfterdi túzetýmen Ulttyq ekonomıka mınıstrligi aınalysady, - dep atap ótti Elektr energetıkasyn damytý departamentiniń dırektory. EО́U shekti tarıfteri ózgergen kezde, statıstıkalyq orta páterler boıynsha túpkilikti tutynýshylar úshin elektr energııasyn tóleýge ortasha chek (eki – úsh bólmeli, tutyný kólemi, elektr plıtasy bar elektr energııasyn tutynatyn páterlerdi eseptemegende, aıyna orta eseppen 170-220 kVts) tórtinshi toqsannan erte emes aǵymdaǵy shottarǵa aıyna 200 teńgeden artyq emes ulǵaıýy múmkin.

Aıdos Darıbaev elektr energııasynyń ózindik quny qajetti shyǵyndardy óteýge jetkiliksiz ekendigin atap ótti, qazirgi ýaqytta energııa óndirýshi uıymdar jańǵyrtý jumystaryna arnalǵan qarjyny aǵymdaǵy shyǵyndardy jabýǵa jumsap jatyr. Búgin de energııa óndirýshi uıymdar kómir kásiporyndaryna 3 mlrd.teńgeden astam qarjy qaryz, alaıda buǵan deıin jylda bul kórsetkish 200 mln.teńgeden aspaıtyn. Sonymen qatar gaz kompanııalary aldyndaǵy qaryz da shamamen 6 mlrd. teńgeni qurap otyr.

 Elektr stansııalaryndaǵy shekti tarıfterdi ýaqtyly túzetý olardy jańǵyrtý boıynsha jumystardy bastaýǵa, jóndeý jumystaryn júrgizetin kompanııalarǵa aldaǵy kúzgi-qysqy kezeńdi sátti ótý úshin jáne aǵymdaǵy jyldan bastap avarııalyq jaǵdaılardy azaıtýǵa múmkindik beredi.

 - Sonymen qatar, elektr energııasyna shekti tarıfterdi qaıta qaraý 44 energııa óndirýshi uıymynyń óndiristik personalynyń shamamen 27 myń jumys ornyn saqtap qalýǵa múmkindik beredi. Sebebi osy adamdardyń jumysynan eldi elektr energııasymen úzdiksiz qamtamasyz etý tikeleı baılanysty, - dep atap ótti Aıdos Dáribaev.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar