Saıasat • 02 Shilde, 2020

Qazaqstan-Qytaı yntymaqtastyǵynyń máseleleri talqylandy

38 ret kórsetildi

Qazaqstan Respýblıkasy Syrtqy ister mınıstriniń Birinshi orynbasary Shahrat Nuryshev pen Qytaı Halyq Respýblıkasy Syrtqy ister mınıstriniń orynbasary Le Iýıchenniń beınekonferensııa formatynda kelissózderi ótti. Bul týraly Egemen.kz mınıstrliktiń baspasóz qyzmetine silteme jasap habarlaıdy.

Kelissózder barysynda qatysýshylar COVID-19 indetine qarsy kúres jónindegi ózara is-qımylǵa joǵary baǵa berdi, sondaı-aq ekijaqty yntymaqtastyqty, onyń ishinde halyqaralyq jáne óńirlik qurylymdar (BUU, ShYU, AО́SShK) aıasyndaǵy yqpaldastyqty nyǵaıtýǵa kelisti.

"Nurly jol" jańa ekonomıkalyq saıasatyn "Bir beldeý, bir jol" baǵdarlamasymen odan ári baılanystyrý, saıası, saýda-ekonomıkalyq jáne ınvestısııalyq yntymaqtastyqty jandandyrý, memlekettik shekaradaǵy ótkizý pýnktteriniń ótkizý qabiletin arttyrý, eki el arasyndaǵy áýe qatynasyn qalpyna keltirý múmkindigi máselelerine erekshe nazar aýdaryldy. Taraptar aǵymdaǵy jyly birlesken komıssııalar men yntymaqtastyq jónindegi Qazaqstan-Qytaı komıtetiniń kishi komıtetteriniń kezekti otyrystaryn onlaın rejıminde ótkizýge kelisti.

Kelissózder nátıjesinde dıplomattar QR men QHR arasyndaǵy dostyq pen ózara tıimdi yntymaqtastyqqa negizdelgen jan-jaqty máńgilik strategııalyq seriktestikti odan ári tereńdetýge daıyn ekendikterin taǵy da rastady.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar