Úkimet • 03 Shilde, 2020

Jaǵdaıdy turaqtandyrý sharalary bekitildi

9 ret kórsetildi

Premer-Mınıstr Asqar Mamınniń tóraǵalyǵymen ótken Memlekettik komıssııa otyrysynda Prezıdent Qasym-Jomart Toqaevtyń tapsyrmasyna sáıkes Qazaqstandaǵy epıdemııalyq ahýaldy turaqtandyrý sharalary qaraldy.

Eldegi sanıtarlyq-epıdemııa­lyq jaǵdaı jáne koronavırýs ınfeksııasynyń taralýyna jol bermeý maqsatynda shekteý sharalaryn engizý boıynsha usy­ny­latyn sharalar týraly Den­saý­lyq saqtaý mınıstri A.Soı baıandady.

Qazaqstanda epıdemııalyq ahýaldyń órshýin jáne korona­vırýs ınfeksııasymen syrqattaný­dyń ósýin eskere otyryp, Memlekettik komıssııa bıylǵy 5 shildeden bastap 14 kúnge kelesi shekteý sharalaryn engizý týraly sheshim qabyldady:

Kólik qatynasy boıynsha:

  1. Elder tizimin kóbeıtpeı, ha­lyq­aralyq áýe qatynasyn saqtaý;
  2. О́ńirler arasyndaǵy áýe qatynasyn, temir jol qatynasyn saqtaý (shekteýlermen);
  3. О́ńirler arasyndaǵy jolaýshylar avtobýsy qatynasyn ýaqytsha toqtatý;
  4. Qoǵamdyq kóliktiń jumysyn ýaqyt boıynsha shekteý.

Azamattardyń júrip-turýy boıynsha:

  1. Oıyn-saýyq, sport jáne basqa da buqaralyq is-sharalardy, sondaı-aq otbasylyq, eske alý sharalaryn ótkizýge tyıym salý;
  2. Ashyq aýada jattyǵýlar jasaýǵa ruqsat etý;
  3. Turǵyndardyń kóshelerde, saıabaqtarda, skverlerde 3 adamnan artyq serýendeýin shekteý;
  4. 65 jastan asqan adamdardyń syrtqa shyǵýyn shekteý.

Myna nysandardyń qyzme­tine tyıym salý kerek:

  1. Sulýlyq salondary, shashtaraz, sport zaldary, fıtnes ortalyqtar, basseınder, azyq-túlik jáne azyq-túliktik emes jabyq bazarlar, jaǵajaılar, akvaparkter, mádenıet nysandary, mýzeıler, kórmeler, forýmdar, konferensııalar jáne ózge de uıymdastyrylǵan buqaralyq is-sharalar, oıyn-saýyq ortalyqtary, mektepke deıingi balalar mekemeleri (kezekshi toptardan basqa), dinı nysandar jáne t. b. (SOSO-daǵy oıyn-saýyq or­talyqtary, oıyn-saýyq nysandary (karaoke, bılıard, kompıýter klýbta­ry, boýlıng ortalyqtary), kıno­teatrlar, balalardy saýyqtyrý la­­ger­leri, fýdkorttar, banket zalda­ry).
  2. Memlekettik organdardyń (uıymdardyń), keńselerdiń, ulttyq kompanııalardyń jáne ózge de uıymdardyń qyzmetkerleriniń keminde 80%-nyń qashyqtan jumys isteý rejimin saqtaý;
  3. Aldyn ala jazylý boıynsha medısına ortalyqtarynyń qyz­metin saqtaý;
  4. Dárihanalardyń, azyq-túlik dúkenderiniń, ashyq bazarlardyń qyzmetin saqtaý;
  5. Kúsheıtilgen sanıtarlyq-dezınfeksııalyq rejimdi saqtaı otyryp, kelesi nysandardyń qyzmetin saqtaý: ashyq aýada qoǵam­­dyq tamaqtaný nysandary; úzdiksiz óndiristik aınalymy bar qu­rylys, ónerkásip kásip­oryn­dary; ashyq aýadaǵy qurylys jumystary; aýyl sharýashylyǵy, balyq sharýashylyǵy jáne mal sharýashylyǵy jumystary; halyqqa qyzmet kórsetý salalary, onyń ishinde avto jýý, avtomobılderdi jáne turmystyq tehnıkany jóndeý, HQO-lar, ekinshi deńgeıli bankter (ýaqyt boıynsha shekteý engizýmen).

Úkimet basshysy elimizdegi epıde­mııalyq ahýaldyń aldaǵy ýaqytta qalaı ózgeretinine baılanysty atalǵan shekteý sharalary 2 aptaǵa uzartylýy nemese qatańdatylýy múmkin ekenin atap ótti.

Jańa shekteý sharalaryn talqylaýǵa ortalyq memlekettik jáne jergilikti atqarýshy organ­dardyń basshylary, Parla­ment Májilisiniń depýtattary «Atameken» UKP basshylyǵy jáne t.b. qatysty.

Sońǵy jańalyqtar

M.Áıtenov "Shymkent" ÁKK" AQ jumysyn synǵa aldy

Ońtústik Qazaqstan • Búgin, 19:23

Bıyl Madrıd marafony ótpeıdi

Sport • Búgin, 15:15

Qashqyn taýdyń qoınaýyndaǵy qazyna

Týrızm • Búgin, 15:07

Jerlesterimiz Máskeýde aıqasady

Sport • Búgin, 15:00

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Uqsas jańalyqtar