Aımaqtar • 03 Shilde, 2020

Medısına qyzmetkerlerine memlekettik nagradalar tabystaldy

39 ret kórsetildi

Nur-Sultanda astana kúnine oraı medısına qyzmetkerlerine memlekettik nagradalar, Elbasy Nursultan Nazarbaev pen Memleket basshysy Qasym-Jomart Toqaevtyń atynan alǵys hattar tabys etildi. Sonymen qatar elordanyń damýyna úles qosqan turǵyndar astananyń qurmetti turǵyny ataǵyna ıe boldy. Bul týraly qala ákimdiginiń resmı saıty habarlady, - dep jazady Egemen.kz

III dárejeli "Barys" ordenimen kópbeıindi medısına ortalyǵynyń bas dárigeriniń orynbasary Sáýle Atyǵaeva, "Parasat" ordenimen juqpaly aýrýlar gospıtaliniń bas dárigeri Anna Sepke, "Qurmet" ordenimen dáriger-reanımatolog Ilıa Logvınenko, jedel járdem stansııasynyń dırektory Murat Orazbaev, "Eren eńbegi úshin" medaldarymen anestezıolog-reanımatolog Ivan Vahrýshev, sondaı-aq, dáriger-ınfeksıonıst "Nur-Sultan qalasynyń Ortalyq jol aýrýhanasy" JShS bólimshesiniń meńgerýshisi marapattaldy. Koronavırýs indetimen kúreste aldyńǵy shepte kele jatqan 20-dan astam medısına qyzmetkeri memlekettik nagradalarmen marapattaldy.

Pandemııa kezinde qala turǵyndaryna azyq-túlik sebetterin, dári-dármekterdi jetkizip, blok-posttardyń jumysyn retteýge at salysqan eriktiler el basshylyǵynyń atynan alǵys hattarmen marapattaldy.

Sonymen birge elorda ákimi Altaı Kólginov búgin astananyń qurmetti turǵyndary ataǵyn eki ardagerge tabys etti. Kandıdatýralardy depýtattar qalalyq máslıhat sessııasynda qoldady. Otyzbaı Súıindikov 1953 jyldan bastap muǵalim bolyp qyzmet atqardy. Ol 30 jyldan astam ýaqyt pedagogıkalyq ýchılıshede jumys istedi jáne bolashaq pedagogtardy tárbıeledi. Elordanyń qurmetti turǵyny ataǵy hırýrg Vladımır Baýmeısterge berildi. Ol 15 myńnan astam operasııa, 13 myńnan astam zertteý jumystaryn júrgizdi.

"Búginde marapattalýshylardyń basym bóligi onlaın-rejımde qatysyp jatyr. Árqaısyńyz koronavırýsqa qarsy kúreske úlken úles qosyp jatyrsyz. Men úshin sizderge Memleket basshysynyń atynan nagradalar tapsyrý úlken qurmet. Qala qaýipsizdigin qamtamasyz etetin polısııa qyzmetkerleri, kún saıyn medısınalyq qyzmetkerlerdi jumysqa alyp keletin avtobýs júrgizýshileri de alǵys hattarmen marapattaldy. Ár adamnyń indetpen kúreske qosyp jatqan úlesin baǵalaımyz. Kele jatqan astana kúni qutty bolsyn", dedi qala ákimi Altaı Kólginov.

Sońǵy jańalyqtar

Mańǵystaýda jańa mektepter ashylady

Aımaqtar • Búgin, 22:30

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar