Aımaqtar • 03 Shilde, 2020

Shıkizattyq emes eksport tómendedi

17 ret kórsetildi

Finprom.kz portalynyń málimetinshe, osy jyldyń tórt aıynda Qazaqstannyń syrtqy saýda aınalymy 28,2 mlrd dollar kóleminde turaqtap, 2019 jyldaǵy sáıkes kezeńmen salystyrǵanda bul 1,7%-ǵa azaıdy. Taýarlar ımporty 3,5%-ǵa tómendep, 9,8 mlrd dollardy qurady.

Osy rette otandyq taýarlar eksporty 0,7%-ǵa qysqaryp, 18,4 mlrd dollar kóleminde baıqalǵanyn aıta ketken oryndy. Tutastaı alǵanda, byltyr eksport 5,3%-ǵa, atap aıtsaq 57,7 mlrd dollarǵa tómendegenin eskersek, bıyl eksportpen birge syrtqy saýdanyń jalpy kóleminiń ósý serpini kútilgen-di. Alaıda COVID-19 pandemııasynyń órshýi men munaı naryǵyndaǵy baǵa soǵysy otandyq saýda sektoryna kesirin tıgizbeı qoımady.

Shıkizattyq emes eksportty ilgeriletý men damytý baǵytynda elimiz birneshe baǵdarlamany júzege asyrý arqyly eksporttyq ónimdi ótkizýdiń jańa naryqtaryna shyǵýǵa múmkindik aldy. Aıtalyq, alǵash ret Bangladeshke áskerı maqsattaǵy jabdyqtar saýdalandy. Italııaǵa akkýmýlıatorlar jetkizilip, Birikken arab ámirlikterine iri kólemdegi bal óniminiń tasymaly jolǵa qoıyldy.

Saýdanyń bul segmentin órkendetýge tıisti memlekettik baǵdarlamalar men damý ınstıtýttarynyń kóptigine qaramastan syrtqy naryqta Qazaqstannyń shıkizattyq qaýqary basym ekeni áli de baıqalýda. Qarjy portalynyń sarapshylary tórt aıdyń nátıjesi boıynsha eksporttyń 77,5%-y mıneraldy ónimderge (14,2 mlrd dollar) tıesili ekenin naqtylady. Máselen, metaldar men olardan jasalǵan buıymdardyń kólemi 11,4%-ǵa nemese 2,1 mlrd dollarǵa jetken. Saýda jáne ıntegrasııa mınıstriniń aıtýynsha, 2019 jyl shıkizattyq emes eksport ındeksiniń tómendeýimen este qaldy. Bul atalǵan baǵyttaǵy jumystardy áli de jetildire túsýdi ańǵartsa kerek.

Sońǵy jańalyqtar

Memlekettik BAQ portaly iske qosyldy

Qazaqstan • Búgin, 15:08

Uqsas jańalyqtar