Rýhanııat • 03 Shilde, 2020

Túrki akademııasy Ulttyq dombyra kúnine arnalǵan onlaın-konferensııa ótkizdi

66 ret kórsetildi

Búgin, 3 shilde kúni Halyqaralyq Túrki akademııasynyń uıymdastyrýymen Ulttyq dombyra kúnine arnalǵan "Dombyra mádenıeti: dástúr sabaqtastyǵy jáne bilim berýdegi máseleler" atty onlaın-konferensııa ótti. Bul týraly Egemen.kz Túrki akademııasyny baspasóz qyzmetine silteme jasap habarlaıdy.

Sýretti túsirgen Janbolat KENJEǴUL

Onlaın formatta ótken konferensııaǵa Qazaq ulttyq óner ýnıversıtetiniń prorektory, ónertaný ǵylymdarynyń doktory Toıjan Eginbaeva, Qazaqstannyń eńbek sińirgen qaıratkeri, tanymal kúıshi Janǵalı Júzbaev, Qurmanǵazy atyndaǵy qazaq ulttyq konservatorııasy, Dástúrli mýzyka fakýltetiniń dekany, О́nertaný ǵylymdary Phd doktory Erjan Jámeńkeev, Nur-Sultan qalalyq memlekettik akademııalyq fılarmonııasynyń bas dırektory Erlan Dákenov, Qazaqstannyń eńbek sińirgen qaıratkeri, kompozıtor, ónertaný ǵylymdarynyń magıstry Álqýat Qazaqbaı, Nursultan qalasyndaǵy oqýshylar saraıynyń bas dırektory Erbol Irgebaı, Táttimbet atyndaǵy óner kolledjiniń dırektory Serjan Musaıynov, "Qazaqkonsert" Memlekettik konserttik birlestiginiń "Halyq qazynasy" ujymynyń jetekshisi Erlan Rysqalı jáne belgili ǵalymdar, birqatar salalyq, oqý oryndary men óner salasyndaǵy uıymdardyń basshylary men ókilderi qatysty.

1

Alqaly jıyn aıasynda Halyqaralyq Túrki akademııasy Memleket basshysynyń tikeleı tapsyrmasy boıynsha daıyndap shyǵarǵan “Dombyra” oqý quralynyń tusaýkeser rásimi ótti. О́skeleń urpaqqa arnalǵan oqýlyqtyń avtory belgili kúıshi, Qazaq ulttyq óner ýnıversıtetiniń professory – Janǵalı Júzbaev.

2

Aıta ketý kerek, Qazaqstan Respýblıkasynyń Prezıdenti Qasym-Jomart Kemeluly Toqaevtyń 2019 jyldyń 7 maýsymynda "Ulttyq dombyra kúni" merekesinde dombyrany arnaıy pán retinde mektepterge engizý kerektigi jónindegi pikiri jarııalanǵan bolatyn. Osyǵan oraı jalpy bilim beretin mektepterde qasıetti aspabymyzdy oqytý jumystary qarqyn alyp, "Dombyra" pánine arnalǵan oqý quralyna qajettilik týyndady. Atalǵan oqý quralyn ótken jyldyń qarasha aıynda Halyqaralyq Túrki akademııasynyń basshysy Darhan Qydyráli QR Prezıdenti Qasym-Jomart Toqaevtyń qabyldaýynda "Dombyra" oqý quralynyń jobasyn tanystyrǵan edi.

Sońǵy jańalyqtar

Uqsas jańalyqtar