Aımaqtar • 06 Shilde, 2020

Rýlge ıe bola almaı qaldy

64 ret kórsetildi

Pavlodar oblystyq Apattardan  qorǵaý medısına ortalyǵynyń jol boıyndaǵy medısınalyq-qutqarý beketiniń qyzmetkerleri jol-kólik apatyna ushyraǵandarǵa dereý kómekke keledi, dep habarlaıdy Egemen.kz.

Ortalyqtyń málimetinshe, Tótenshe jaǵdaılar departamentiniń biryńǵaı dıspetcherlik pýltine  4 shilde kúni Qyzylorda-Pavlodar avtojolyndaǵy Tórtqudyq aýylynyń mańynda kólik apaty oryn alǵany týraly habarlama túsken. 

Habarlama alysymen-aq,  "Qalqaman" trassalyq medısınalyq-qutqarý beketiniń qyzmetkerleri iske kiristi. Jedel is barysynda anyqtalǵandaı, jeńil kóliktiń júrgizýshisi rýlden aıyrylyp qalyp, joldan shyǵyp ketken.

Kóliktiń ishinde júrgizýshimen birge onyń áıeli jáne 2 jasar uly bolǵan. Apattyń nátıjesinde 1989 jyly týǵan er adam mańdaıyn jaraqattap, mıy shaıqalǵan.
Onyń zaıyby da jabyq mı jaraqatyn alyp, mańdaıyn jaralaǵan.  Al,  balanyń ómiri men densaýlyǵyna eshbir qaýip tóngen joq.Oqıǵa ornyna jetken qutqarý beketiniń mamandary zardap shekkenderge jedel medısınalyq kómek kórsetti.

Áıel adam oblys ortalyǵyna jetkizilip, №1 qalalyq aýrýhanaǵa jatqyzyldy.
Taǵy bir jol-kólik apaty Omby-Maıqapshaǵaı avtojolyndaǵy Áýelbek aýylynyń janynda oryn alǵan.

Kóliktiń tórt jolaýshysy, onyń ishinde úsh bala jolshybaı mashınamen Aqtoǵaı aýdandyq aýrýhanasyna jetkizildi. Taǵy bir zardap shegýshige Áýelbek aýyldyq ambýlatorııasynyń dárigeri jedel medısınalyq kómek kórsetti.
 
Pavlodar oblysy
Sýretti túsirgen: Sergeı Manakov

Sońǵy jańalyqtar

Uqsas jańalyqtar