Elorda • 06 Shilde, 2020

Nur-Sultanda aýqymdy kógaldandyrý jumystary jalǵasýda

24 ret kórsetildi

Jaz maýsymy bastalǵaly qala aýmaǵynda 6,5 myńnan astam aǵash otyrǵyzyldy, dep habarlaıdy Egemen.kz. Bul týraly Eelorda ákimdiginiń resmı saıty málimdedi. 

Sońǵy jyldary qysy qatal ári uzaq, jazy bolsa tym qysqa klımatty jáne florasy da az astanada túrli aǵashtar jersinip, ósip jatyr. О́simdikterdiń jersinýi men olardy beıimdeý jumystarymen Nur-Sultan qalasy ákimdigine qaraıtyn "Astana-Kógaldandyrý qurylysy" JShS aınalysady. 
 
"Kóktemniń kelýimen elordada dástúrli aǵash otyrǵyzý bastalyp, búgingi tańda 6 546 kóshet otyrǵyzyldy. Jumys qalanyń barlyq aýdandarynda jalǵasýda. Jalpy, bıyl biz 30 myń aǵash pen 6 mıllıon gúl otyrǵyzýdy josparlap otyrmyz", - dep habarlady "Astana-Kógaldandyrý qurylysy" JShS.
 
Bıyl elordanyń orman alqaby qaraǵaı, sibir shyrshasy, kók shyrsha, balqaraǵaı, shegirshin, emen, jóke, arsha, sıren, qaıyń, shaǵan jáne basqa da aǵashtarmen baıytyldy. Sonymen qatar jyl basynan Nur-Sultanda 113 myńnan asa sharshy metr gúlzarlar otyrǵyzyldy. Sondaı-aq qala aınalasynda jalpy aýmaǵy 14 827 gektarǵa ulasqan "jasyl beldeý" bar. Jasyl beldeýdiń japyraqty tuqymdarynyń úlesi – 98,2%, qylqan japyraqty tuqymdardyń úlesi – 1,8% quraıdy.
 
"Elordanyń jasyl beldeýin" qurýdyń bastamashysy – Qazaqstan Respýblıkasynyń Tuńǵysh Prezıdenti – Elbasy N.Nazarbaev. Jasyl beldeýdiń arqasynda aýa temperatýrasy jylyp, aıazdy kúnder azaıdy. Qalanyń túni de jylı bastady. "Astana-Kógaldandyrý qurylysy" JShS jumysshylary ózderiniń qolymen otyrǵyzylǵan ár aǵashty biletinderin aıtady: «Bizge qalany kórkeıtý unaıdy. Ár ekken aǵashty esimizde saqtaımyz jáne onyń ósip, qalada jaıly jaǵdaı týǵyzǵanyn kórý óte úlken qýanysh, - deıdi olar.
Sońǵy jańalyqtar

Uqsas jańalyqtar