Aımaqtar • 06 Shilde, 2020

Qaýly oryndalýymen qundy

10 ret kórsetildi

Memleket basshysy Qasym-Jomart Toqaevtyń elimizde epıdemııalyq jaǵdaıdy turaqtandyrý jóninde atqarýshy organdardyń aldyna qoıǵan talaptaryn orynaý úshin Aqtóbe obylsy aýmaǵynda qatań shekteý jáne karantındik sharalar engizildi. Bul jónindegi qaýlyǵa Aqtóbe oblysynyń bas memlekettik sanıtarlyq dárigeri Nursulý Berkimbaeva qol qoıǵan. Mundaı qujat bıylǵy 2020 jyldyń kókteminiń alǵashqy aıynda da qabyldanǵany belgili. Degenmen KVI-dyń taralýyn boldyrmaý jónindegi alǵashqy qaýlymen salystyra qaraǵanda sońǵysynyń salmaǵy men júgi ájeptáýir aýyr, jaýapkershiligi barynsha joǵary ekenin aıtýǵa tıispiz.

Áńgimemizdiń álqıssasyn bylaısha tereńnen qozǵaýymyzdyń basty sebebi – budan úsh aı buryn indet tap qazirgideı basqa shaýyp, tóske órlep ketpegendi. Sondaı-aq búgingi kúni adam ólimine ákelip soqtyryp otyrǵan vırýstyq pnevmonııa da tirkele qoımaǵandy. Halyqtyq uǵym-túsinikke saıǵanda: Jer astynan jik shyqty, eki qulaǵy ti shyqty osy boldy. Eń bastysy budan eki-úsh aı buryn barsha qazaq halqynyń besigi atanǵan aýyl men onyń turǵyndary ul indetten din aman edi.

Endi ne bolyp jatqanyn qulaqpen estip kózben kórgende tóbe shashy tik turǵandaı kúı keshesiz. О́ıtkeni sońǵy ýaqytta aýyldaǵy aǵaıyndar arasyn da da KVI men vırýstyq pnevmonııa deregi kúnnen kúnge órship barady. О́zgesin bylaı qoıǵanda oblystyń Yrǵyz jáne Oıyl sekildi shalǵaıdaǵy aýdandarynda atalǵan juqpaly dertti juqtyrǵan turǵyndar sany kóbeıip ókpeleri qabynýy qynjyltpaı qoımaıdy. Árıne naýqastardy emdeý úshin oblys aýdandarynda qosymsha sharalar belgilengen. Aýrýhanaǵa túskender PTR-dan ótip tekserilip jatqany kóńilge edáýir demeý.

Sonymen birge aýyldaǵy aýrýhanalar janynan qosymsha ınfeksııalyq bólimsheler ashylyp, provızorlyq stasıonardaǵy kerýetter sany keńeıtilýde. Emhanalar janynan kúndizgi em júrgizetin oryndar ashylǵan. Arnaıy qoıylǵan senim telefonary men onlaın keńester de aýyl turǵyndarynyń aqparattyq suranysyn óteýge qyzmet jasaıdy. Bul jóninde gazet tilshisine Oıyl aýdandyq aýrýhanasynyń bas dárigeri Sándibek Nurbaev aıtyp berdi.

Tutastaı alǵanda búgingi kezde oblys aýmaǵynda Pýlmanolog mamandarǵa degen suranys kúrt ósip ketti. Áıtse de qajetti profıldegi mamandar aıaq astynan saý etip tógile qalmasy taǵy da aıan. Sondyqtan da onyń tapshylyǵyn retteýdiń bir joly retinde nefrolog, terapevt jáne hırýrgtardy arnaıy hattama boıynsha ókpege em júrgizýge ruqsat pen quq berý sharalary alynǵan. Sondaı-aq oblys aýdandarynda dári-dármekter tapshylyǵy da baıqalyp qalady. Áıteýir bul máseleni shuǵyl jolǵa qoıý jóninde sharalar bekitilgen.

Qandaı qubylystyń da ózindik sebebi men saldary bolmaı qalmaıdy. Alǵashqy karatın kezinde Aqtóbe oblysynda epıdemııalyq jaǵdaı turaqty bolǵany málim. Tipti bir de bir KVI juqtyrǵan turǵyndar tirkelmegen kúnder de kezdesti. Osyǵan qarap indet sharyqtaý shaǵyna jetti dep oı qorytýdyń da jóni bar edi. Áıtse de elimizdegi eki aıǵa sozylǵan tótenshe jaǵdaı rejıminen keıin blok-beketter alynyp aýyldar men oblys ortalyqtar arasyndaǵy baılanystar men qarym-qatynastar qalpyna kelgen kezde shalǵaı eldi-mekenderde indetke shaldyǵýshylardyń ósý kórinisteri oryn ala bastady. Onyń basty sebebi aǵaıyndardyń duǵa, sadaqa dastarhandary men ózge de otbasylyq sharalarǵa birden bas qoıýy, aýyl men qala turǵynarynyń aralasyp ketýi, sımtomsyz belgisi joq azamattar indettiń taralýyna túrtki bolýy desek shyndyqtan aýytqı qoımaspyz.

Sońǵy kezde: Tótenshe jaǵdaı men qatań karatındik rejımdi ári ge soza túsý kerek edi deýshiler de bar. Bul tujyrymdar bir qaraǵanda qısyndy sekildi kóringenimen sanıtarlyq normalar men qaýipsizdik talaptary oryndalmaǵan jaǵdaıda memleket tarapynan belgilengen kez kelgen qatań sharanyń ózi indetti aýyzdyqtaýǵa kómektese almaıtynyn uǵyna alsaq kerek-ti.

Áńgimemizdi túıindeı kele Aqtóbe oblysynda 2020 jyldyń shilde aıynyń tórtinshi juldyzy kúni Taýarlarmen kórsetiletin qyzmetterdiń sapasy men qaýipsizdigin basqarý departamenti men oblystyń Memlekettik bas sanıtar dárigeri qabyldaǵan qaýly tarmaqtary buǵan deıingi qaýlymen salystyrǵanda edáýir keńeıtilgenin aıtý shart. Munda shekteý sharalary jónindegi tarmaqtar men joldar da qyzmet kórsetý nysandaryn barynsha keń qamtypty. Bir sózben aıtqanda qaýlyda eshqandaı min joq dep aıtýǵa ábden bolady. Áıtse de bul qabyrǵaly qujat talaptary tek qaǵaz júzinde nemese elektrondyq mátin túrde qalyp qoımaı tolyqtaı oryndalsa epıdemııany aýyzdyqtaýǵa oń septigin tıgize alatyny anyq. О́ıtkeni Qaýly tek oryndalýmen ǵana qundy bola alatyny aıtpasa túsnikti emes pe?!

 

Aqtóbe


Sońǵy jańalyqtar

Atyraýda ury úsh jyldan keıin ustaldy

Aımaqtar • Búgin, 16:06

Almaty qalasynda jer silkindi

Ekologııa • Búgin, 11:00

Sora ekken turǵyn tergelýde

Aımaqtar • Keshe

Uqsas jańalyqtar