Prezıdent • 08 Shilde, 2020

Prezıdent halyqaralyq qarjy ortalyǵynyń Soty Tóraǵasynyń ant berý rásimine qatysty

34 ret kórsetildi

Prezıdent Qasym-Jomart Toqaev "Astana" halyqaralyq qarjy ortalyǵy (AHQO) Sotynyń jańadan taǵaıyndalǵan Tóraǵasy Lord Manstyń resmı ant berý rásimine onlaın formatta qatysty. Memleket basshysy óz sózinde, Qazaqstan halyqaralyq standarttarǵa saı keletin zamanaýı, kásibı jáne táýelsiz sot júıesin qalyptastyrýǵa erekshe kóńil bóletinin atap ótti. Osy oraıda Tuńǵysh Prezıdent – Elbasy Nursultan Nazarbaevtyń bastamasymen "Astana" halyqaralyq qarjy ortalyǵynyń Sotyn qurý arqyly elimiz sot júıesindegi qurylymdyq reformalarǵa beıildi ekenin taǵy bir márte anyq aıqyndap otyr.

"Astana" halyqaralyq qarjy ortalyǵynyń Soty Qazaqstanda jumys istep jatqan nemese elimizge kelýdi josparlap otyrǵan ınvestorlarǵa álemdegi barlyq iri qarjy ortalyqtaryndaǵydaı laıyqty sottarmen, sot prosessterimen, tájirıbesimen jáne standarttarymen jumys isteýge múmkindik beredi. Jalpy quqyq boıynsha tájirıbeli sottar ózderiniń beıtaraptylyǵymen, ádildigimen jáne barmaq basty, kóz qystyǵa kónbeıtindigimen tanymal. Sondaı-aq olar sot júıesiniń turaqtylyǵy men quqyq buzylmaýynyń kepili", dedi Prezıdent. 

Qasym-Jomart Toqaevtyń pikirinshe, pandemııa men munaı baǵasynyń quldyraýynan týyndaǵan qazirgideı daǵdarys kezinde el ekonomıkasyn qaıta qalpyna keltirý jumysynda, ınvestısııa tartý barysynda "Astana" halyqaralyq qarjy ortalyǵynyń mańyzy arta túsken. 

"AHQO senimdi qarjylyq platforma uǵymynyń sınonımine aınalyp, sheteldik ınvestorlardyń Qazaqstanǵa degen senimin arttyrýy kerek. О́z kezeginde «Astana» halyqaralyq qarjy ortalyǵynyń mańyzdy bóligi retinde Qarjy ortalyǵynyń táýelsiz sot júıesiniń jalpy quqyq boıynsha Sotyna AHQO-nyń qyzmetinde erekshe ról atqarady. Soǵan sáıkes Qazaqstannyń ınvestısııalyq baǵdarlamasynyń tıimdi júzege asýyna atsalysady", dedi Memleket basshysy. 

Shara sońynda Qazaqstan Prezıdenti Lord Výlfke Qarjy ortalyǵynyń sot júıesin qurý barysynda sińirgen eńbegi úshin alǵys aıtyp, Lord Mansqa AHQO Sotynyń Tóraǵasy retindegi jumysyna tabys tiledi.

Sońǵy jańalyqtar

Uqsas jańalyqtar