Aımaqtar • 08 Shilde, 2020

Arnaıy monıtorıng top dárihanalardyń jumysyn qadaǵalaýda

39 ret kórsetildi

Shymkent qalasynda Sybaılas jemqorlyqqa qarsy qyzmetiniń qyzmetkerlerimen qatar densaýlyq saqtaý basqarmasy men Densaýlyq saqtaý mınıstrligi taýarlar men kórsetiletin qyzmetterdiń sapasyn baqylaý departamentiniń, "Shymkent-adaldyq alańy" jobalyq keńsesi men Arnaıy monıtorıngtik toptyń jáne jastar máslıhaty ókilderi men qoǵam belsendilerinen quralǵan arnaıy jumysshy top birqatar dárihanalardy aralap, dári-dármek mólsheri men olardyń baǵasyna monıtorıng júrgizdi.

Qala turǵyndarynyń shaǵymdarynyń kóptep túsýi monıtorıng júrgizýge birden-bir sebep boldy. 15-ke jýyq memlekettik organdar men densaýlyq salasynyń ókilderi men qoǵam belsendilerinen quralǵan Jumysshy top 3 baǵytta jumys jasady.
Qalada 560 dárihana jumys jasasa, birinshi kúni 10-nan astam dárihanalarǵa monıtorıng júrgizildi.
Top músheleriniń aıtýynsha, zań boıynsha dárihanalardyń dári-dármektiń baǵasyn ruqsat etilgen baǵadan joǵary qoıýǵa quqyǵy joq bolsa da, birqatar dárihanalarǵa turǵyndardyń shaǵymdary túsken. Sonymen qatar, dári-dármek satyp alý kezinde chek berilmeıtindigi de aıtylǵan.
Monıtorıng barysynda anyqtalǵandaı, suranysqa ıe "Parasetamol", "Oflo", "Deksametazon" jáne taǵy da basqa dáriler tapshy. Jumysshy top qaladaǵy 1 dárihanada keıde chek berse, keıde bermeıtindigine kóz jetkizip, qyzmetkerlerine túsindirý júrgizdi.
Sondaı-aq, Jumysshy top músheleri tikeleı efır barysynda turǵyndardy jalǵan jarnamalarǵa aldanyp qalmaýǵa, tek dárihanalardan, medısına qyzmetkeriniń resepti boıynsha alýǵa shaqyrdy. Sonymen qatar, dárilerdiń shekti baǵasyn arnaıy dari.kz  saıtynan tekserýge bolatyndyǵy jóninde turǵyndarǵa túsindirdi.
Aıta keteıik, joǵaryda kórsetilgen máseleler boıynsha aýdıo, beıne jazbalaryńyz ben usynys, shaǵymdaryńyzdy  8702 000 24 94 jáne  8775 306 78 50 WhatsApp nómirlerine dárihana ataýyn kórsete otyryp joldaı alasyzdar.
Atalǵan baǵyttaǵy jumys kúndelikti júrgiziletin bolady.
 
 
Shymkent 
Sońǵy jańalyqtar

Uqsas jańalyqtar