Aımaqtar • 08 Shilde, 2020

200 erikti provızorlyq ortalyqtarǵa jumysqa keldi

30 ret kórsetildi

Qalalyq ákimdiktiń málimetinshe, medısınalyq mamandardyń jetispeýshiligine baılanysty áleýmettik jelilerde habarlandyrý berilgen.

Habarlandyrýdan soń, 200- qala turǵyny óz erkimen jumysqa shyǵýǵa nıet bildirdi.

Olardyń basym bóligi medbıkeler, feldsherler quraıdy. Arnaıy bilimi joq  kishi qyzmetkerler sanıtarlar bolyp jumys isteýge daıyn.

 -Bul óte qaýipti jumys ekeni belgili,- deıdi basqarma mamandary. Sondyqtan jumysqa qabyldaıtyn kezde birinshi kezekte medısınalyq  tekserýden ótkiziledi. Buǵan qosa, biliktiligi men  talaptarǵa saı kelýine nazar aýdarylady.  

Mysaly, Ulttyn Bolashagy qorynyń quryltaıshysy Shynar Baýjanovanyń  mamandyǵy zańger.

 -Áleýmettik jeliler arqyly eriktiler kerek ekeni jaıly estidik,- deıdi Shynar.-Qazir  Moıyldy provızorlyq gospıtalinde kishi medısınalyq qyzmetker sanıtar bolyp jumys isteımin. Aýysymmen jumysqa shyǵamyn. Tek sanıtardyń mindetin ǵana atqarmaımyz, naýqastarǵa ýkol salyp, sıstema qoıamyz.         

Al, densaýlyq saqtaý basqarmasy  tizim boıynsha eriktilerdiń árqaısymen jeke jumys júrgizedi.

Sebebi, olardyń ishinde mamandyǵy bar jáne joq adamdar kezdesedi.  Qazir eriktilerdi irikteý boıynsha  jumys júrgizilýde. Ol úshin arnaıy qaýyrt jeli iske qosylǵan.

Basqarmanyń málimetinshe, árbir adammen kelisimshart negizinde eńbekaqy tóleý boıynsha jeke jumys jasalady.

Eń tómengi eńbekaqy - 60 myń teńge, qosymsha densaýlyqqa keltirilgen zııan úshin ústemeaqy tólenedi. 

Al, óńirde 400-den astam medısına mamany qajet bolsa,  3 aı ishinde stasıonarlarda jumys isteıtin medısına qyzmetkerler sany 6 ese ósti.

Sondaı-aq, óńirdiń 9554 turǵyny indetten qarsy úıde emdelýde. Olardyń 1644-i orta jáne jeńil satydaǵy pnevmonııaǵa shaldyqqan.

Oblys  ortalyqtaryndaǵy «Baıantaý» sport saraıynda naýqastardy qabyldaý men dıagnostıkalaý ortalyǵy, al, Moıyldy men Aqsýdaǵy sanatorıılerde qosymsha provızorlyq stasıonarlar ashyldy.

 Provızorlyq ortalyqtarǵa qyzmetkerlerdi irikteý úshin óńirdegi aýrýhanalar men emhanalardyń kadr qyzmeti aınalysýda.

Pavlodar oblysy

Sońǵy jańalyqtar

Uqsas jańalyqtar