Aımaqtar • 09 Shilde, 2020

UBT-da 126 ball jınaǵan túlek

2909 ret kórsetildi

Bıyl Shyǵys Qazaqstan oblysynda 8204 túlek mektep bitirdi.

Ulttyq biryńǵaı testileýde 126 ball jınap, joǵary kórsetkishke qol jetkizgen О́skemendegi Menovnoe orta mektebiniń túlegi Dılnaz Muratova oblys ortalyǵyndaǵy oqý oryndarynyń birine qujat tapsyrýdy jón kóripti. «Dılnaz ózine senimdi boldy. О́ıtkeni, ol UBT-ǵa úlken jaýapkershilikpen ázirlendi. Pedagogtardyń aıtqan barlyq aqyl-keńesterin muqııat tyńdady. Testileýge jıi baryp turdy jáne onyń bul eńbegi elenip, jaqsy kórsetkishke qol jetkizdi» deıdi mektep dırektory Lıýbov Lıhacheva.

Alǵan baly elimizdiń ózge óńirlerindegi kez kelgen oqýǵa túsýge múmkindik berse de, ózi týyp-ósken qalada bilim alýdy uıǵarǵan boıjetken aımaqtaǵy irgeli oqý oryndarynyń biri S.Amanjolov atyndaǵy Shyǵys Qazaqstan memlekettik ýnıversıtetine qujat tapsyrmaq nıette.

Aıta keteıik, bıyl Shyǵys Qazaqstan oblysynda 8204 túlek mektep bitirdi, onyń 84,4 prosenti ulttyq biryńǵaı testileýge qatysty.

О́SKEMEN

 

Sońǵy jańalyqtar

Uqsas jańalyqtar