Aımaqtar • 10 Shilde, 2020

Qazaqstan Soltústik-Ońtústik dáliziniń múmkindikterin keńeıtýde

14 ret kórsetildi

Qazaqstan úshin Soltústik-Ońtústik dálizi álemdegi eń iri tutyný naryǵy - Úndistan baǵytynda, onyń ishinde qazaqstandyq taýarlar men qyzmetter úshin, sondaı-aq Soltústik Eýropa elderi baǵytynda tasymaldardy damytýdaǵy negizgi baǵyttardyń biri bolyp tabylady, dep habarlaıdy Egemen.kz

Bul jobaǵa qatysý Qazaqstan aýmaǵy arqyly tranzıttik júk aǵynynyń qosymsha kólemin tartýǵa jáne Parsy shyǵanaǵy porttaryna shyǵýǵa múmkindik beredi.

Sondaı-aq Iran men Qytaı, Irannyń Oral, Sibir jáne Reseıdiń Qıyr shyǵys óńirlerimen qurlyqtyq baǵyttar arqyly saýdanyń damýy zor áleýetke ıe, olardyń bir bóligi QR aýmaǵy arqyly ótedi jáne Soltústik-Ońtústik dálizine ıntegrasııalanǵan.

Qazaqstan Qytaıdan Eýropaǵa, Kavkaz elderi men Túrkııa baǵytynda tranzıttik dálizderdi damytýǵa qatysýdyń jaqsy tájirıbesine ıe, ıaǵnı oń tájirıbeni Soltústik-Ońtústik dálizine de kóbeıtý josparlanyp otyr.

Qazirgi ýaqytta taraptar Kelisim sheńberinde kólik shyǵyndaryn ońtaılandyrý, kóliktik servıstiń sapasyn arttyrý maqsatynda júk jáne jolaýshylar tasymaldaý jyldamdyǵyn arttyrý boıynsha jumys isteýde, sondaı-aq júk aǵyndaryn tartý jáne konteınerlik poezdardy uıymdastyrý boıynsha belsendi jumys júrgizilýde.

Qazaqstan-Túrkimenstan-Iran temir jol baǵytyna júk aǵyndaryn tartý maqsatynda eń qolaıly tarıftik jaǵdaılar belgilendi, atap aıtqanda, Iran temir jol stansııalaryna jáne odan ári Iran aýmaǵy arqyly tranzıtpen úshinshi elderge Reseıden qara metaldar, aǵash, kómir, ósimdik maıy, astyq júkterin tranzıttik tasymaldaýǵa, sondaı-aq Qytaı-Qazaqstan-Túrkimenstan-Iran baǵyty boıynsha iri tonnajdy konteınerlerdi tasymaldaýǵa.

Alaıda, COVID-19 pandemııasy men Túrkimenstan aýmaǵy arqyly ótkizý shekteýlerine baılanysty Kaspııdegi qazaqstandyq porttar arqyly Iran baǵytynda mýltımodaldyq tasymaldar belsendi damı bastady. Aqtaý porttary men Kaspıan Iran porty arasyndaǵy turaqty avtoparomdyq qatynasty iske qosý máselesi pysyqtalýda.

Osy baǵytty damytýǵa qatysý kólik baǵyttaryn – Soltústik-Ońtústik halyqaralyq kólik dáliziniń qazaqstandyq ýchaskesin, Ortalyq Transazııalyq temir jol magıstralin, sondaı-aq Parsy shyǵanaǵynyń porttaryna shyǵýdy damytýǵa jáne tutastaı alǵanda Qazaqstan Respýblıkasynyń tranzıttik áleýetin iske asyrýǵa yqpal etetin bolady.

Bul baǵyttyń negizgi artyqshylyǵy: ol naqty – eki esege jýyq qysqartýdy – taýarlardy tasymaldaý merzimderin 1,5 esege jáne Sýes kanaly men Jerorta teńizi arqyly dástúrli teńiz jolymen salystyrǵanda olardyń qunyn 10-15%-ǵa azaıtýdy beredi.

Tranzıtti damytýdyń áserlerinen basqa, qazirgi zamanǵy kólik dálizin jolǵa qoıý Úndistan, al bolashaqta Afrıka baǵytynda aıtylǵandaı, qazaqstandyq ónimniń jańa naryqtarǵa eksportyn damytý úshin jaqsy alǵysharttar jasaıdy. Júk bazasynyń ósýi qazaqstandyq jóneltýshilerdiń osy jańa naryqtarǵa shyǵýy boıynsha kólik shyǵyndarynyń tómendeýine yqpal etetin bolady.

Otandyq logıstıkalyq kompanııalar usynatyn kólik qyzmetteri eksportynyń ósýi úshin jaǵdaılar jasalatyn bolady, demek salaǵa ınvestısııalardyń ósýi úshin jaǵdaılar jasalatyn bolady.

Jalpy alǵanda, osy dálizdiń belsendi jumys isteýi kezinde Qazaqstan Respýblıkasynyń Iran, Taıaý Shyǵys elderi baǵytynda, perspektıvada Úndistan men Afrıka tranzıttik áleýetin damytý boljanady.

Sondaı-aq Qazaqstan Respýblıkasynyń aýmaǵy arqyly tranzıttik qatynasta júkterdi tasymaldaý kólemin ulǵaıtý, Aqtaý porty men Kaspıı basseıniniń basqa memleketteriniń porttary arasyndaǵy paromdyq qatynasty damytý, sondaı - aq Aqtaý portynda "Soltústik – Ońtústik" KKM jáne Ortalyq Azııa-Eýropa baǵyty boıynsha júkterge qyzmet kórsetý úshin konteınerlik-júk habyn qurý mindeti qoıylyp otyr.

Esterińizge sala keteıik, QR Úkimetiniń 2018 jylǵy 13 qarashadaǵy qaýlysymen Qazaqstan Iran Islam Respýblıkasy, Oman Sultanaty, Túrikmenstan jáne О́zbekstan Respýblıkasy Úkimetteri arasynda halyqaralyq kólik jáne tranzıttik dáliz qurý týraly kelisimge (Ashhabad kelisimi) qosyldy.

Sońǵy jańalyqtar

COVID-19: Nemis jurty kúres ústinde

Koronavırýs • Búgin, 13:05

COVID-19: Meksıkada aýrý azaımaı tur

Koronavırýs • Búgin, 12:34

Dollardyń búgingi baǵamy belgili boldy

Ekonomıka • Búgin, 09:32

Qaz-qatar qarasózder

Abaı • Búgin, 06:55

«Yzǵar» báıge alǵan kún

Oqıǵa • Búgin, 06:51

Art-ónerge arqaý bolǵan asyl beıne

О́ner • Búgin, 06:45

Tulǵa týǵan topyraq

Qoǵam • Búgin, 06:39

Sana sáýlesi, júrek juldyzy

Rýhanııat • Búgin, 06:12

Shyn hakim, sóziń asyl – baǵa jetpes

Ádebıet • Búgin, 06:07

Dáripteýge laıyq danalyq

Rýhanııat • Búgin, 05:59

Abaıdy tanytý – boryshymyz

Abaı • Búgin, 05:52

Uqsas jańalyqtar