Aımaqtar • 10 Shilde, 2020

Qaraǵandydaǵy soltústik-shyǵys aınalma jolynyń qurylysy aıaqtaldy

13 ret kórsetildi

Aınalma joldyń jalpy uzyndyǵy 48,3 shaqyrymdy quraıdy. Qurylys jumystary ınfraqurylymdy damytýdyń "Nurly jol" memlekettik baǵdarlamasynyń aıasynda "Ortalyq-Ońtústik" dálizin qaıta jańartý jobasyn júzege asyrady, - dep habarlady IIDM baspasóz qyzmeti.

"QazAvtoJol" UK" AQ Qaraǵandy oblystyq fılıalynyń dırektory Serik Aıdostyń aıtýy boıynsha, atalmysh joba qazirgi kúnniń ózinde qala joldarynyń júktemesin azaıtyp, tasjoldyń tozý merzimine de áserin tıgizgen. Sondaı-aq, avtojoldardaǵy apatty jaǵdaılardyń kórsetkishi tómendep, ekologııalyq jaǵdaıdyń jaqsarýy da oryn alatyny anyq. Jańa tasjol I-tehnıkalyq sanatqa sáıkes. Tórt jolaqty kúre jolǵa asfaltbeton jabyny tóselgen. Eseptik jyldamdyq - saǵatyna 120 shaqyrym. Qozǵalys qarqyndylyǵy táýligine 20 myńǵa jýyq avtokólik bolady dep josparlanǵan.

Shyǵys aınalma jolyn qaıta jańartý jumystarynyń barysynda 5 jol aıryǵy, 5 jol ótkeli, aýyl sharýashylyq tehnıkaǵa arnalǵan 6 jol ótkeli, Soqyr ózeni arqyly ótetin kópir, 54 sý ótkizgish qubyr men eki demalys alańy ornatyldy.

Al soltústik aınalma jolyn qaıta jańartý jumystary kezinde 2 jol aıryǵy, 4 jol ótkeli, temir jol men Solonka ózeni arqyly ótetin uzyndyǵy 232 m. estakada ornatylyp, aldaǵy ýaqytta 24 sý ótkizgish qubyr qurylysy kózdelgen.

Qaraǵandy qalasynyń soltústik-shyǵys aınalma joly tasjoldaǵy qaýipsizdikti qamtamasyz etip, turǵyndardyń qozǵalys qolaılyǵyn arttyrady.

Sońǵy jańalyqtar

Aqtaýdan 200 shaqyrym jerde jer silkindi

Ekologııa • Búgin, 20:41

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar