Qoǵam • 14 Shilde, 2020

Boryshqa qatysty aqparatty SMS-habarlama arqyly alýǵa bolady

68 ret kórsetildi

Qazaqstanda boryshkerler atqarýshylyq is júrgizýdiń qozǵalýy týraly aqparatty SMS-habarlama arqyly alatyn bolady.

Endi boryshker uıaly telefon nómirine atqarýshylyq is júrgizýdiń qozǵalýy týraly, onda qoldanylatyn shekteý sharalary týraly jáne is boıynsha basqa da málimetterdi alatyn bolady, dep habarlaıdy QR Ádilet mınıstrliginiń baspasóz qyzmeti.

Aǵymdaǵy jyldyń 27 maýsymynda Qazaqstan Respýblıkasynyń Prezıdenti «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jáne qylmystyq zańnamany jetildirý máseleleri boıynsha ózgerister men tolyqtyrýlar engizý týraly» Zańǵa qol qoıdy.

Zań atqarýshylyq is júrgizý taraptaryn habardar etý ınstıtýtyn jetildiredi.

Uıaly telefon nómirine SMS-habarlama jiberý arqyly azamattardy elektrondyq habardar etýge kóshý boıynsha norma engizildi.

SMS-habarlaýdy paıdalanýdyń negizgi artyqshylyǵy uıaly telefon nómirine atqarýshylyq is júrgizýdiń qozǵalǵany týraly, onda qoldanylatyn shekteý sharalary týraly jáne is boıynsha basqa da málimetterdi jedel jáne ýaqtyly alý bolyp tabylady.

Sonymen qatar, bul servıs boryshkerlerdiń qarajatyn únemdeıdi. Mysaly, eger bir tapsyrysty hat quny-350 teńge bolsa, sms arqyly osyndaı habarlama shamamen 20 teńge bolady. Zańǵa sáıkes onyń quny shyǵystarǵa esepteledi jáne boryshkerden óndirilip alynady.

Bul rette poshta baılanysy arqyly habarlaý múmkindigi tolyq joqqa shyǵarylmaıdy. Mysaly SMS-habarlama arqyly habarlaý múmkin bolmaǵan jaǵdaıda ǵana, sot oryndaýshysy ádettegi habarlamasy bar poshta baılanysyn qoldanatyn bolady.

Zań alǵash resmı jarııalanǵan kúnnen keıin kúntizbelik on kún ótken soń 2020 jylǵy 8 shildede kúshine endi.

Sońǵy jańalyqtar

Abaı jáne Gaspyraly: Jádıtshildik murasy

Rýhanııat • Búgin, 18:36

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Uqsas jańalyqtar