Qoǵam • 14 Shilde, 2020

Qarýly Kúshteriniń otstavkadaǵy general-maıory ómirden ozdy

24 ret kórsetildi

2020 jylǵy 14 shildede otstavkadaǵy general-maıor Ámirbek Ánýaruly Toǵysov 71 jasqa kelgen shaǵynda dúnıeden ozǵany málim boldy.

Ámirbek Ánýaruly 1970 jyly KSRO IIM Ordjonıkıdze komandalyq áskerı ýchılıshesin, al 1981 jyly – Selınograd pedagogıkalyq ınstıtýtyn támamdady.

1997 jyldyń qańtarynan bastap Ámirbek Ánýaruly úsh jyldaı ýaqytta Qazaqstan qorǵanys mınıstriniń orynbasary laýazymyn atqardy. Osy laýazymda Ámirbek Ánýaruly Qarýly Kúshterdegi ıdeologııalyq jáne áleýmettik-quqyqtyq máselelerine jetekshilik etip, adamgershilik jáne patrıottyq tárbıe berý isine óz úlesin qosty.

2000 jyldyń mamyrynan bastap áskerı qyzmetten zeınetke shyqty. "Qazaqaltyn" TKMK-de basshylyq qyzmetter atqardy, "Ádiletti Qazaqstan úshin" ROQ-nyń Almaty qalalyq fılıalynyń tóraǵasy, Jalpyulttyq áleýmettik-demokratııalyq partııasy atynan Parlament Májilisine depýtattyqqa úmitker boldy.

Birge qyzmet atqarǵandar Ámirbek Ánýaruly Toǵysovty - óz isine beı-jaı qaramaıtyn, ómirge degen ustanymy  belsendi adam retinde biledi jáne esterinde saqtaıdy.

II-shi dárejeli "Aıbyn" ordenimen marapattalǵan.

Ámirbek Ánýarulynyń artynda aıaýly jary men eki balasy qaldy.

Qazaqstan Respýblıkasy Qorǵanys mınıstrliginiń basshylyq quramy men áskerı qyzmetshileri Ámirbek Ánýaruly Toǵysovtyń qaıtys bolýyna baılanysty týystary men jaqyndaryna qaıǵyryp kóńil aıtady. Onyń asyl beınesi  jaqyndary men dostarynyń júrekterinde máńgi saqtalady.

Sońǵy jańalyqtar

Elektrondy qyzmet úlesi ósti

Tehnologııa • Keshe

Brazılııada vırýs basylmaı tur

Koronavırýs • Keshe

Uqsas jańalyqtar