Ekonomıka • 14 Shilde, 2020

Birinshi jartyjyldyqta jeńil ónerkásip óndirisiniń kólemi 8% artty

11 ret kórsetildi

2020 jyldyń birinshi jartyjyldyǵynyń qorytyndysy boıynsha jeńil ónerkásip salasyndaǵy óndiris kólemi 8% - ǵa ósti. Toqyma buıymdarynyń óndirisi 8,4% - ǵa, bylǵary ónimderi 6,6% - ǵa jáne kıim óndirisinde 2,1% - ǵa ósim baıqalady. Saladaǵy oń nátıje maqta talshyǵy, daıyn toqyma buıymdary, syrtqy kıim, bas kıim, shulyq buıymdary men aıaq kıim óndirisiniń ulǵaıýy esebinen oryn aldy.

Jalpy alǵanda, kóbine otandyq óndirýshiler qorǵanys salasy men arnaıy kıimder tapsyrysyn oryndaýda. Osylaısha óndiris oshaǵynda shyǵarylatyn ónim suranysqa ıe bolyp, kepildi satylymdy qamtamasyz etedi.

Sonymen qatar, aǵymdaǵy jyly turǵyndardy betperdelermen qamtamasyz etý maqsatynda óndiriske 70-ten astam tigin kásiporyndary qosyldy: "Dalatex" JShS (Qyzylorda q.), "Bolshevıchka" JShS (Qostanaı q.), "Eko-Farm" JShS (Shymkent q.), "As Farm" JShS (ShQO), "Tynys" AQ (Kókshetaý q.), "Qazlegprom" JShS (Almaty q.), "Janarys" JShS (Mańǵystaý obl.) jáne t.b. Olar táýligine dáke men bózden 700 myń betperde shyǵarady.

Tigin kásiporyndaryn shıkizatpen qamtamasyz etý maqsatynda «Azala Textile» JShS dáke shyǵaratyn 9 stanok iske qosyldy, shyǵarý kólemin 8 esege 1,2 myń q.m. - den táýligine 10,0 myń q. m. - ge deıin arttyrdy. О́ndiristik sıkl memleketaralyq standartqa sáıkes jolǵa qoıylǵan. Sondaı-aq, kásiporyn tyǵyzdyǵy tómen tazartylǵan maqta matasyn shyǵarady.

Aǵymdaǵy jyldyń aqpan aıynda toqyma óndirisin damytý maqsatynda Qazaqstan Respýblıkasynda maqta-toqyma klasterin qurý jónindegi jol kartasy ázirlenip, QR Premer-Mınıstriniń ókimimen bekitildi. Sondaı-aq, "Alıans" SО́K (buryn "Iýteks" AQ, "Melanj" AQ) jáne "Azala Textile" JShS toqyma kásiporyndaryn "Ońtústik" AEA qosý boıynsha jumystar júrgizilýde. (Qazaqstan Respýblıkasy qaýlysynyń jobasy PMK-ne qaraýǵa engizildi).

Búginde "Ońtústik" arnaıy ekonomıkalyq aımaǵynyń ınvestısııalyq portfeli jalpy quny 89,84 mlrd.teńge bolatyn 42 jobadan turady, olar 3439 jumys ornyn qurýdy kózdeıdi, onyń ishinde jeńil ónerkásipke jalpy quny 56,37 mlrd. teńge bolatyn 34 joba jatady, 2921 jumys ornyn qurý kózdelgen.

Qazirgi ýaqytta jeńil ónerkásip baǵytynda 15 joba iske asyryldy. Investısııa kórsetkishi 28,986 mlrd. teńge, sondaı-aq 1435 jumys orny ashyldy.

Sonymen qatar, 2020-2022 jyldary qoldanystaǵy jobalardy keńeıtýdi eskere otyryp, 1486 jumys ornyn qurýmen jalpy quny 27,384 mlrd.teńge bolatyn 19 jobany iske qosý josparlanǵan.

Sondaı-aq, jergilikti atqarýshy organdar úshin jeńil, jıhaz ónerkásibi men qurylys materıaldaryn memlekettik satyp alýda jergilikti qamtý boıynsha nysanaly ındıkatorlar belgilengen. Jeńil jáne jıhaz ónerkásibiniń taýarlary 2019 jyldyń 1 shildesinen bastap memlekettik satyp alý aldyn ala biliktilik irikteýmen konkýrs tásilimen ótkiziletin taýarlar, jumystar men qyzmetter tizbesine engizilgen. Memlekettik satyp alýda aldyn ala biliktilik irikteýden ótý kezinde Indýstrııalyq sertıfıkat berý boıynsha talap kózdelgen.

Áleýetti qaýipti ónimdi ákelýdi jáne ótkizýdi shekteý maqsatynda jeńil ónerkásip taýarlary olarǵa qatysty shartty shyǵarýǵa jol berilmeıtin taýarlar tizbesine engizilgen. Memlekettik satyp alýdy júzege asyrý kezinde 2 jyl merzimge shulyq buıymdaryna, júnnen basylǵan aıaq kıimge, keńselik metall jáne aǵash jıhazǵa, sementterge ulttyq rejımnen alý ornatyldy.

Búginde jeńil ónerkásip salasynda 1130 kásiporyn jumys isteıdi, onyń 97% - y-shaǵyn kásiporyndar, salada jumys isteıtinderdiń sany 17,9 myń adamdy quraıdy.

JIО́ – degi jeńil ónerkásiptiń úlesi 0,1% – dy quraıdy, óndiristiń jalpy kóleminde-0,4% - dy, óńdeýshi ónerkásip kóleminde-1% - dy quraıdy.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar