Aımaqtar • 28 Shilde, 2020

Pavlodar oblysynda áleýmettik dúkender sany 300-den asty

0 ret kórsetildi

2020 jyldyń sońyna deıin  400-ge jetkizý josparlanyp otyr, dep habarlaıdy Pavlodarnews.kz tilshisi.

Bul týraly óńirlik kommýnıkasııalar qyzmeti onlaın formatta  ótkizgen baspasóz máslıhatynda oblystyq kásipkerlik jáne saýda basqarmasynyń basshysy Jaıyq  Hasanov  aıtty. 


- Búgingi tańda áleýmettik dúkender sany 100-den 302 deıin artty, - deıdi Jaıyq Hasanov. - Qazir bul dúkenderdiń árqaısymen áleýmettik-kásipkerlik korporasııa jumys isteıdi. О́tinishter  boıynsha olarǵa arzan baǵamen ónim usynamyz. Baǵany 10 paıyzdan asyrmaý jóninde  ákimdik, áleýmettik-kásipkerlik korporasııa jáne dúken tarapynan úsh jaqty memorandýmǵa qol qoıyldy. 


 Sondaı-aq basqarma basshysy eki aı buryn turaqtandyrý qorynan 1 mlrd teńge bólingenin aıtyp ótti.


- Onyń 500 mln teńgesi taýarly ıntervensııaǵa baǵyttalsa,  500 mln teńge – zaem, - deıdi spıker. - Kásipkerler men  aýyl sharýashylyǵy taýar óndirýshilerine  baǵany ustap turý maqsatynda 0,01 nemese 3 paıyzben  alty aıǵa nemese bir jylǵa  usynylady. Qazirgi tańda Pavlodar oblysynda  24 dúkeni bar «Inmart» saýda jelisimen jumys júrgizilýde. Olar baǵany úshinshi, tórtinshi toqsanda  10 pozısııa boıynsha ustap turady.  

Sońǵy jańalyqtar

Uqsas jańalyqtar