Aımaqtar • 01 Tamyz, 2020

Qostanaıda 120 dárigerge páter beriledi

26 ret kórsetildi

Qostanaı qalasynda buǵan deıin "Qazaqstan ıpotekalyq kampanııasy" AQ arqyly  dárigerlerge 54 páter berilgen edi. Taıaý kúnderi taǵy 120 medısına qyzmetkeri baspana qýanyshyna ıe bolmaq. Munyń syrtynda bıyl oblys ortalyǵynda 700 shaqty jaldamaly páter paıdalanýǵa beriledi. Onyń jartysyna jýyǵyna aq halattylar ornalaspaq.  Bul týraly búgin óńirlik jedel shtab otyrysyn ótkizgen oblys ákimi Arhımed Muhambetov aıtty, - dep jazady Egemen.kz

2018 jyly oblystyq bıýdjet esebinen tuńǵysh ret "Jalpy medısına" mamandyǵy boıynsha 80 rezıdent jáne 20 stýdentti daıarlaýǵa qarjy bólingen. 24 rezıdent bıyl oblysqa oralady. 

Aýyldyq eldi mekenderge jumysqa ornalasqan dárigerlerdiń árqaısy bıyl ekinshi jyl qatarynan oblys bıýdjetinen 1 jarym mln teńgeden kóterme járdemaqy alyp kelgen. Bıyldan bastap qalalyq mekenderge keletin dárigerlerge de 1 mln teńgeden beriletin bolady.

Jıyn barysynda aımaq basshysy óńirdegi epıdemııalyq ahýaldyń birtindep turaqtanyp kele jatqanyn atap ótti. "Memlekettik organdar júrgizip otyrǵan indetke qarsy sharalar jalpyhalyqtyq qoldaýǵa ıe bolǵan jaǵdaıda ǵana tıimdi bolmaq. Bıznes salasynyń da karantın talaptaryn buljytpaı oryndaýy mańyzdy", - dedi oblys ákimi.  

 

 Qostanaı oblysy

Sońǵy jańalyqtar

Uqsas jańalyqtar