Pikir • 06 Tamyz, 2020

Aq halattylarǵa alǵysym sheksiz

17 ret kórsetildi

Kúlli álemdi sharlaǵan koronavırýs derti meni de aınalyp ótpedi. Áýeli Allanyń, odan keıin aq halatty abzal jandardyń arqasynda sol syrqattan saýyǵyp, aman-esen otbasymnyń janyna oraldym.

Meniń aty-jónim – Marjan An­de­kına. 48 jastamyn. Almaty qala­sy­­nyń turǵynymyn. A.N.Syzǵanov atyndaǵy Ulttyq ǵylymı hırýrgııalyq ortalyqtyń ákimshiliginde eńbek ete­min. Úsh balanyń anasymyn. 12 maýsymda syrqattanyp qaldym. Dene qyzýym kóterilip, tynysym taryldy. Kók jótel qysty. О́zimdi álsiz sezindim. Alǵashynda sýyq tıgen bolar dep, asa mán bermedim. Úıde ózimshe em-dom qabyldadym. Biraq odan ońala qoımadym. Kerisinshe, kún ótken saıyn densaýlyǵym kúrt nasharlaı tústi. Sodan 15 maýsymda jedel járdem kóligin shaqyrttyq. Dárigerler №12 qa­la­lyq aýrýhanaǵa jetkizip, sol jerde tek­serdi. Sol arqyly koronavırýske shal­dyqqanym anyqtaldy.

Aýrýhanada qajetti em-domnyń bá­rin aldym. Birden aıta keteıin, onda tús­ken ár pasıentke aq halattylar aıryqsha kóńil bóledi, syrqattanǵan adam­dar­dyń saýyǵyp ketýi úshin qo­laı­­ly jaǵdaıdyń barlyǵy jasalýda. Olar kúni-túni tynymsyz eńbek etý­de. Ásirese bólim meńgerýshisi Marat Túgeluly men emdeýshi dáriger Asqar Oralhanulynyń bilimi men biligine aıryqsha tánti boldym. №12 qalalyq aýrýhananyń basqa da dárigerleri men medbıkelerine, sanıtarlaryna alǵysym sheksiz. Solardyń kásibıligi men qamqorlyǵynyń arqa­syn­­da bir apta ishinde ózimdi jaqsy sezinip, densaýlyǵym túzeldi. Taǵy eki apta dárigerlerdiń qaraýymen úıde emdeldim. Qazir jaǵdaıym jaqsy. Aty jaman indetten saýyqtym. Otbasymnyń janyndamyn, jumysym júrip jatyr.

Osy oraıda, el gazeti arqyly aq halatty abzal jandarǵa taǵy bir alǵy­symd­y bildirip qoısam, esh artyqtyǵy joq dep oılaımyn.

 

Marjan ANDEKINA,

Almaty qalasynyń turǵyny

 

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar