Elorda • 07 Tamyz, 2020

Nur-Cultanda koronavırýstan naýqastardyń 76%-y emdelip shyqty

31 ret kórsetildi

Ákimdikte Nur-Sultan qalasy ákiminiń orynbasary Baqtııar Makenniń medısına uıymdarynyń basshylarymen keńesi ótti. Kezdesý barysynda koronavırýs ınfeksııasy boıynsha qazirgi ahýal talqylandy. Bul týraly ákimdiktiń resmı saıtyna silteme jasaı otyryp Egemen.kz habarlaıdy.

Búgingi kúni qalada 12 530 KVI jaǵdaıy tirkelip, onyń ishinde 9 629 adam (76%) emdelip shyqty. Karantın sharalary men ambýlatorııalyq emdeýdi kúsheıtý nátıjesinde emhanalarda epıdemıologııalyq ahýal jaqsaryp, pnevmonııamen syrqattanýshylyq tómendegeni baıqalady. Pnevmonııamen aýyratyn naýqastar sany bes ese azaıdy.

"Sondaı-aq karantın kezinde, ıaǵnı 6 shildeden bastap stasıonarlarda emdelip jatqan naýqastar sany 4,4 ese azaıyp, tósek-oryn qorynyń júktemesi 90%-dan 25%-ǵa deıin tómendedi. Koronavırýs ınfeksııasy rastalyp aýrýhanaǵa jatqyzylǵandar sany 4,3 ese azaıdy. Jedel járdem shaqyrý sany 3 myńnan myńǵa deıin tómendegeni baıqalady", delingen qoǵamdyq densaýlyq saqtaý basqarmasynyń habarlamasynda. Keńes qorytyndysy boıynsha qala ákiminiń orynbasary Baqtııar Maken.

Qoǵamdyq densaýlyq saqtaý basqarmasy men medısına mekemeleriniń basshylaryna azamattar tarapynan shaǵymdar týdyrǵan naýqastarǵa arnalǵan elektrondy medısınalyq servıs – DamuMed qosymshasy monıtorıngin turaqty negizde júrgizip, sapaly jumysyn qamtamasyz etýdi tapsyrdy.

"Bul másele DamuMed aqparattyq júıesiniń jetilmegeni, sondaı-aq kórsetilgen qyzmet týraly dárigerlerdiń jazbasyn kesh engizýmen baılanysty. Nur-Sultan qalalyq qoǵamdyq densaýlyq saqtaý basqarmasy osy baǵdarlamanyń ákimshiligimen birlesip árbir naqty jaǵdaıǵa taldaý júrgizedi. Sonymen qatar qazirgi ýaqytta qarjylyq paıda alý maqsatyndaǵy jalǵan jazbalardyń naqty faktileri tirkelgen joq", dep habarlady qalalyq qoǵamdyq densaýlyq saqtaý basqarmasy.

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Uqsas jańalyqtar